‘जल्लोष २०२६’मध्ये वाघिरे महाविद्यालयाची दमदार कामगिरीविविध कला प्रकारांत विद्यार्थ्यांनी पटकावली पारितोषिके; महाविद्यालयात जल्लोष सासवड प्रतिनिधी : बापू मुळीक मुख्य संपादक पुरंदर प्राईम न्यूज: सावित्रीबाई फुले पुणे विद्यापीठाच्या विद्यार्थी विकास मंडळातर्फे आयोजित ‘जल्लोष २०२६’ या युवा महोत्सवातील विविध कला प्रकारांत पुणे जिल्हा शिक्षण मंडळाच्या वाघिरे कला, वाणिज्य व विज्ञान महाविद्यालय, सासवडच्या विद्यार्थ्यांनी उल्लेखनीय कामगिरी करत महाविद्यालयाच्या नावलौकिकात भर घातली. विविध दहा कला प्रकारांत विद्यार्थ्यांनी पारितोषिके मिळविल्याने महाविद्यालय परिसरात जल्लोषाचे वातावरण निर्माण झाले.शास्त्रीय नृत्य प्रकारात शमिका मोने हिने प्रथम क्रमांक मिळविला. व्यंगचित्र प्रकारात श्रेयस पवार याने द्वितीय, तर कोलाज प्रकारात नूतन वैराट हिने तृतीय क्रमांक पटकावला. स्थळ छायाचित्रणात तेजस फडतरे याने द्वितीय क्रमांक मिळविला. स्वरवाद्य वादनात ज्ञानेश्वरी पवार हिने, तर पोस्टर मेकिंगमध्ये गायत्री म्हेत्रे हिने तृतीय क्रमांक मिळविला.सांघिक कला प्रकारांतही वाघिरे महाविद्यालयाच्या विद्यार्थ्यांनी आपली चमक दाखविली. पथनाट्याने द्वितीय क्रमांक, तर एकांकिका, मूकनाट्य आणि लोकवाद्यवृंदाने तृतीय क्रमांक मिळविला. विद्यार्थ्यांनी सादरीकरणातील कल्पकता, कलात्मकता आणि सांघिक कौशल्याच्या जोरावर ही कामगिरी केली.महाविद्यालयाचे प्राचार्य डॉ. तुषार शितोळे यांच्या मार्गदर्शनाखाली सांस्कृतिक विभागप्रमुख डॉ. किरण गाढवे, प्रा. पूनम काळे, प्रा. उत्कर्षा जगताप आणि शैलेश राऊत यांच्या मार्गदर्शनाखाली विद्यार्थ्यांनी या स्पर्धेत सहभाग घेतला. विद्यार्थ्यांना कला सादरीकरणासाठी सातत्याने प्रोत्साहन व मार्गदर्शन मिळाल्याने हे यश संपादन करता आले.या उल्लेखनीय यशाबद्दल प्राचार्य डॉ. तुषार शितोळे यांनी सर्व विजेत्या विद्यार्थ्यांचे अभिनंदन केले. उपप्राचार्य डॉ. संजय झगडे, डॉ. बबन माने, समन्वयक डॉ. नरसिंग गिरी आणि प्रा. सचिनकुमार शहा यांनीही विद्यार्थ्यांचे कौतुक करून पुढील स्पर्धांसाठी शुभेच्छा दिल्या.
