निखिल जगताप यांना ‘आदर्श पत्रकार साहित्य रत्न पुरस्कार’ने सन्मानित सासवड प्रतिनिधी:बापू मुळीक मुख्य संपादक पुरंदर प्राईम न्यूज: पुरंदर तालुक्यातील बेलसर गावचे सुपुत्र, पत्रकार,साहित्यिक व प्रसिद्ध निवेदक निखिल सतिश जगताप यांना हडपसर येथील महात्मा फुले सांस्कृतिक भवन येथे रविवार (दि.२७) रोजी झालेल्या १०० व्या राज्यस्तरीय पुणे मराठी काव्य संमेलनात ‘आदर्श पत्रकार साहित्य रत्न पुरस्कार’ देऊन सन्मानित करण्यात आले.रानकवी प्रतिष्ठान, महाराष्ट्र राज्य आणि ज्ञानाई फाउंडेशन कला साहित्य विचार मंच, पुणे यांच्या संयुक्त विद्यमाने या राज्यस्तरीय काव्य संमेलनाचे आयोजन करण्यात आले होते.पत्रकारिता व साहित्य क्षेत्रातील उल्लेखनीय कार्याची दखल घेत निखिल जगताप यांना उपस्थित मान्यवरांच्या हस्ते हा पुरस्कार प्रदान करण्यात आला. बेलसर गावच्या सुपुत्राला मिळालेल्या या सन्मानामुळे पुरंदर तालुक्याच्या शिरपेचात आणखी एक मानाचा तुरा रोवला गेला आहे.या पुरस्काराबद्दल निखिल जगताप यांचे विविध क्षेत्रातील मान्यवर, सहकारी, मित्रपरिवार आणि ग्रामस्थांकडून अभिनंदन करण्यात येत आहे.