वाघीरे महाविद्यालयात गांधी जयंतीनिमित्त जनजागृतीपर कार्यक्रमाचे आयोजन सासवड प्रतिनिधी:बापू मुळीक मुख्य संपादक पुरंदर प्राईम न्यूज: सासवड येथील पुणे जिल्हा शिक्षण मंडळाच्या वाघीरे कला, वाणिज्य व विज्ञान महाविद्यालय, सासवड येथे १५७ व्या महात्मा गांधी जयंतीनिमित्त राष्ट्रीय छात्रसेनेच्या (NCC) वतीने विविध जनजागृतीपर उपक्रमांचे आयोजन करण्यात आले. स्वच्छ भारत, स्वस्थ भारत, क्षयरोगमुक्त भारत व तंबाखूमुक्त भारत या विषयांवर कॅडेट्सनी पथनाट्याच्या माध्यमातून जनजागृती केली.या कार्यक्रमात ३६ महाराष्ट्र बटालियन, २ महाराष्ट्र गर्ल्स बटालियन आणि ३ महाराष्ट्र नेव्हल युनिट च्या एकूण १०४ NCC कॅडेट्सनी सहभाग घेतला.कार्यक्रमाची सुरुवात महात्मा गांधी व लालबहादूर शास्त्री यांच्या प्रतिमांना पुष्पहार अर्पण करून पोस्टर स्पर्धा, जनजागृती रॅली आणि नुक्कड नाटक यांचे आयोजन करण्यात आले. या उपक्रमांच्या माध्यमातून स्वच्छता, आरोग्य, क्षयरोग प्रतिबंध आणि तंबाखूविरोधी जनजागृतीचा संदेश देण्यात आला. यावेळी लेफ्टनंट गजेंद्र अहिवळे यांनी कॅडेट्सना प्रेरणादायी मार्गदर्शन केले. त्यांनी स्वच्छता, आरोग्य आणि सामाजिक जबाबदारी याबाबत मार्गदर्शन केले. प्रा. सौ. मयुरी जाधव यांनी गर्ल कॅडेट्स ना मार्गदर्शन केले व आभार प्रदर्शन केले. कार्यक्रमास श्री. अंकुश धायगुडे व श्री. आकाश यांची उपस्थिती होती. या कार्यक्रमाचे आयोजन प्राचार्य डॉ. तुषार शितोळे यांच्या मार्गदर्शनाखाली करण्यात आले. याप्रसंगी श्री अंकुश धायगुडे व आकाश राऊत व NCC कॅडेट्स आणि एनसीसी प्रमुख यांच्या उपस्थितीत कार्यक्रमाचे यशस्वी आयोजन करण्यात आले.