सासवडमध्ये कृष्णलीला दहीहंडी उत्सवाचा जल्लोष भोईराज गोविंदा पथक , भोरने पाचव्या थरावर दहीहंडी फोडत साधला थरारक विजय सासवड प्रतिनिधी: बापू मुळीक मुख्य संपादक पुरंदर प्राईम न्यूज: सासवड शहरातील सर्वात मोठा आणि आकर्षणाचा केंद्रबिंदू ठरलेला कृष्णलीला दहीहंडी उत्सव २०२६ मोठ्या उत्साहात, जल्लोषात आणि भक्तिमय वातावरणात साजरा करण्यात आला. कृष्णलीला दहीहंडी उत्सव समितीच्या वतीने आयोजित करण्यात आलेल्या या सोहळ्यास सासवड शहरासह संपूर्ण पुरंदर तालुक्यातील नागरिकांनी मोठ्या संख्येने उपस्थिती लावली.दहीहंडीचे विधिवत पूजन युवा नेते गौरव कोलते, सासवड नगरपालिकेचे माजी नगरसेवक राजेंद्र गिरमे, राजेंद्र दादा भांडवलकर आणि अठरा पगड बारा बलुतेदार सोशल फाउंडेशन चॅरिटेबल ट्रस्ट महाराष्ट्र राज्याचे संस्थापक अध्यक्ष आप्पासाहेब भांडवलकर यांच्या हस्ते करण्यात आले.या उत्सवाचे प्रमुख आकर्षण ठरले ब्लॅक क्वीन मिनू कोल्हापूरकर. त्यांच्या उपस्थितीने कार्यक्रमात विशेष रंगत आली. दरम्यान, भोईराज दहीहंडी संघ, भोर यांनी उत्कंठावर्धक खेळाचे प्रदर्शन करत अखेर पाचव्या थरावर दहीहंडी फोडून विजय मिळवला. दहीहंडी फुटताच उपस्थितांनी एकच जल्लोष करत ‘गोविंदा आला रे आला’च्या जयघोषाने संपूर्ण परिसर दणाणून सोडला.या भव्य दहीहंडी उत्सवाचे आयोजन रूतिक भाऊ भांडवलकर, प्रशांत भाऊ यादव, एम.डी. उर्फ महेश दडस, सोनू शेठ जाधव, साहिल भाऊ चौरे, जुनेद भाई आतार, जगदीश भाऊ भोंडे, शानू भाई पठाण, अभिजीत दादा जगताप, अजय दादा पवार, सोहेल भाई शिकलकर, अदनाद भाई आतार, अनिकेत भाऊ भोंडे, तुषार शेठ ताम्हणे, वैभव दादा कोलते आणि ओंकार शेठ कामठे यांनी केले.कार्यक्रमाला प्रमुख पाहुणे म्हणून पुरंदर तालुका राष्ट्रवादी काँग्रेस पार्टीचे अध्यक्ष वामन जगताप, परिवर्तन क्रांती सेनेचे संस्थापक अमोल लोंढे, अठरा पगड बारा बलुतेदार सोशल फाउंडेशन चॅरिटेबल ट्रस्ट पश्चिम महाराष्ट्र राज्य अध्यक्ष नारायण जाधव, अध्यक्ष राहुल भोंडे, विद्यमान नगरसेवक प्रदीप राऊत, सासवड नगरपालिकेचे शिवसेनेचे नगरसेवक बाळासाहेब भिंताडे ,उद्योजक जितेंद्र पवार, पुणे जिल्हा भाजपचे अध्यक्ष साकेत जगताप, उद्योजक शक्ती धिवार, भाजप शहर अध्यक्ष आनंद जगताप, उद्योजक शुभम शेठ जगताप, शिवसेना सासवड शहर प्रमुख मिलिंद भैय्या इनामके, युवा नेते अक्षराज जगताप, युवा नेते सागर दादा मोकाशी, युवा नेते अंकुर दादा शिवरकर, सासवड शहर भाजपचे अध्यक्ष मयूर शेठ महागावकर,अठरा पगड बारा बलुतेदार सोशल फाउंडेशन चॅरिटेबल ट्रस्ट महाराष्ट्र राज्य मार्गदर्शक दिलीप गुरव, महाराष्ट्र राज्य युवक अध्यक्ष दत्तात्रय सूर्यवंशी, हॉटेल सवईचे डायरेक्टर अजित शेठ गोळे, परिवर्तन क्रांती सेना पुरंदर तालुका अध्यक्ष अक्षय भैय्या खवले,पुरंदर तालुका अध्यक्ष राहुल दादा पवार, अभिजित शेठ धुमाळ,आणि अभिषेक पवार यांच्यासह विविध मान्यवर उपस्थित होते.दहीहंडीच्या थरारक क्षणांना नागरिकांनी मोठ्या उत्साहाने दाद दिली. ढोल-ताशांचा गजर, गोविंदांच्या घोषणा, कृष्णनामाचा जयघोष आणि नागरिकांचा उत्स्फूर्त सहभाग यामुळे संपूर्ण सासवड शहराचे वातावरण कृष्णमय झाले होते.या भव्य सोहळ्याच्या निमित्ताने सासवडकरांसह पुरंदर तालुक्यातील नागरिकांना एकत्र आणत कृष्णलीला दहीहंडी उत्सव समितीने सामाजिक आणि सांस्कृतिक एकतेचा संदेश दिला.“गोविंदा आला रे आला…कृष्णाच्या नामाचा जयघोष झाला!”या भव्य दहीहंडी सोहळ्यातील उत्साह, जल्लोष आणि अविस्मरणीय क्षण छायाचित्रांच्या माध्यमातून कायम स्मरणात राहतील.