पुरंदरच्या प्रस्तावित आंतरराष्ट्रीय विमानतळाला कुंभारवळणच्या ७० ते ८० शेतकऱ्यांचा विरोध धनदाडगया दलाल व्यापारयाना दाखले कुणी दिले? सासवड प्रतिनिधी: बापू मुळीक मुख्य संपादक पुरंदर प्राईम न्यूज: “सरकारने प्रत्यक्ष संवाद साधल्याशिवाय एक इंचही जमीन देणार नाही”; शेतकऱ्यांचा इशारा, मोठ्या आंदोलनाची तयारी, लोकप्रतिनिधींनी शेतकऱ्यांना विश्वासात घेतले नाही असा शेतकऱ्यांचा आरोप धनदाडगयाना, व्यापारी,दलाल यांना शेतकरी असल्याचेदाखले कुणी दिले बागायती भागातील जिरायती दर्जा हे पाप नक्की कुणाचे? विमानतळाला विरोध नाही तर शेतकरी यासोबत जमीन मूल्याकन सरकारने अधिकारी वगॅ यांनी बातचीत केली नाही तर एजंट दलाल याच्याशी बातचीत केली. म्हणुन विमानतळ होऊन देणार नाही लढा पुढे चालू आहे यावर निणॅय अवलंबून आहे. असे शेतकरी यांनी आपले मनोगत व्यक्त केले. कुंभारवळण, ता. पुरंदर : पुरंदर तालुक्यातील प्रस्तावित आंतरराष्ट्रीय विमानतळाच्या पार्श्वभूमीवर कुंभारवळण येथील सुमारे ७० ते ८० शेतकऱ्यांनी विमानतळासाठी जमीन देण्यास ठाम विरोध दर्शविला आहे. एका वृत्तपत्रात डिसेंबरअखेरपर्यंत विमानतळाचे प्रत्यक्ष काम सुरू होणार असल्याच्या आशयाची बातमी प्रसिद्ध झाल्यानंतर ग्रामस्थांनी एकत्र येत या वृत्ताचा निषेध केला. कुंभारवळण परिसरातील जवळपास ३३० एकर जमीन सध्या शेतकऱ्यांच्या ताब्यात असून, या जमिनीबाबत सरकारला जमीन देण्याची कोणतीही परवानगी अथवा संमतीपत्र शेतकऱ्यांनी दिलेले नसल्याचा दावा ग्रामस्थांनी केला आहे. त्यामुळे जमीन अधिग्रहणाची प्रक्रिया पूर्ण झालेली नसताना विमानतळाचे काम सुरू करण्याच्या बातम्या कशाच्या आधारे प्रसिद्ध होत आहेत, असा सवाल शेतकऱ्यांनी उपस्थित केला.दरम्यान, विमानतळाच्या प्रस्तावित क्षेत्रातील जमिनींच्या व्यवहारांबाबतही शेतकऱ्यांनी गंभीर प्रश्न उपस्थित केले आहेत. बाहेरील व्यक्ती, दलाल अथवा एजंट यांच्या माध्यमातून जमिनींचे व्यवहार झाले असतील, तर त्या जमिनींना शेतकरी दाखला कसा मिळाला? तसेच जिरायती जमिनींना बागायती किंवा इतर दर्जा देऊन शासनाची दिशाभूल करून अधिक मोबदला घेण्यात आला आहे का, याची चौकशी करण्याची मागणी ग्रामस्थांनी केली आहे. A1 म्हणजे विमानतळ जागा दुसरी आहे a5 कुंभारवळण जागा विमानतळ बाधित शेतकरी संदर्भात योग्य नाही कारण पीएम आरडी मध्ये येत असून येथील बागायती भागातील 94%जमीन आहे.विमानतळ बागायती भागातील करता येत नाही असा अहवाल सक्तीने जमीन संपादित करता येतयेत नाही असेही शेतकरी कुंभारवळण येथील गणेश काशिनाथ मोरे यांनी सांगितले.“पुरंदर उपसा सिंचनामुळे सुफलाम झालेल्या जमिनीवर प्रत्यक्ष शेतकरी काबाडकष्ट करीत आहे. अशा जमिनींचा दर्जा चुकीचा दाखवून शेतकऱ्यांच्या हक्कावर गदा आणण्याचा प्रयत्न कोण करीत आहे?” असा सवाल यावेळी उपस्थित करण्यात आला.प्रस्तावित विमानतळासाठी सुमारे साडेतीन हजार एकर क्षेत्राचा प्रकल्प असल्याचे सांगितले जात असून, सात बाधित गावांमधील शेतकऱ्यांमध्ये विविध बातम्या आणि दावे प्रसिद्ध करून संभ्रम निर्माण केला जात असल्याचा आरोपही ग्रामस्थांनी केला.“आम्ही एकही इंच जमीन सरकारला देणार नाही. सरकारने आमच्याशी प्रत्यक्ष संवाद साधून आमच्या मागण्या आणि प्रश्नांवर चर्चा केल्याशिवाय विमानतळासाठी जमीन देण्याचा प्रश्नच नाही,” असा ठाम निर्धार कुंभारवळणच्या शेतकऱ्यांनी व्यक्त केला.शिवसेना (उद्धव बाळासाहेब ठाकरे) पक्षाचे पुरंदर तालुकाध्यक्ष अभिजीत जगताप यांच्या मार्गदर्शनाखाली शेतकऱ्यांनी सरकारला इशारा दिला आहे. मनसेचे राज ठाकरेंचा माध्यमातून सुध्दा प्रयत्नही करणार असल्याचे शेतकरी गणेश काशिनाथ मोरे यांनी सांगितले. शेतकऱ्यांच्या मागण्या पूर्ण न झाल्यास भविष्यात मोठे आंदोलन उभारण्यात येईल, असा इशारा अभिजीत जगताप, गणेश काशिनाथ मोरे व उपस्थित शेतकऱ्यांनी दिला.विमानतळ प्रकल्पाबाबत शासनाची नेमकी भूमिका काय आहे, जमीन अधिग्रहणाची प्रक्रिया कोणत्या टप्प्यावर आहे आणि जमिनींच्या व्यवहार व जमिनीच्या वर्गीकरणाबाबत करण्यात आलेल्या आरोपांची चौकशी होणार का, याकडे आता पुरंदर तालुक्याचे लक्ष लागले आहे.“जमीन घेतलीच नाही, मग विमानतळाचे काम कसे सुरू करणार?”; कुंभारवळणच्या ८० शेतकऱ्यांचा सरकारला थेट सवाल केला आहे.