पुरंदर तालुक्यातील सासवड पोलीस स्टेशन, पुणे ग्रामीणमॉडिफाइड बुलेट सायलेन्सर व वाहतूक नियमांचे उल्लंघन करणाऱ्या वाहनांवर सासवड पोलिसांची कारवाई सासवड प्रतिनिधी : बापू मुळीक मुख्य संपादक पुरंदर प्राईम न्यूज: सासवड पोलीस स्टेशन हद्दीत वाहतूक नियमांचे उल्लंघन करणाऱ्या वाहनचालकांविरुद्ध विशेष मोहीम राबविण्यात आली. या मोहिमेदरम्यान बुलेट मोटारसायकलींचे मॉडिफाइड सायलेन्सर वापरणाऱ्या वाहनचालकांवर विशेष कारवाई करण्यात आली.या कारवाईमध्ये एकूण 47 बुलेट वाहनांवर कारवाई करून ₹4,70,000/- इतका दंड वसूल करण्यात आला.तसेच ट्रिपल सीट, विना हेल्मेट व इतर वाहतूक नियमांचे उल्लंघन करणाऱ्या वाहनचालकांविरुद्ध एकूण 326 केसेस करण्यात आल्या असून, त्यामध्ये ₹2,74,600/- इतका दंड करण्यात आला आहे.याशिवाय मद्यप्राशन करून वाहन चालविणाऱ्या 16 वाहनचालकांविरुद्ध प्रकरणे दाखल करण्यात आली असून, सदर प्रकरणे न्यायालयीन प्रक्रियेत (कोर्ट पेंडिंग) आहेत.ही कारवाई पोलीस निरीक्षक संतोष घोळवे यांच्या मार्गदर्शनाखाली करण्यात आली. सदर कारवाईमध्ये पोलीस हवालदार संतोष शिंदे, पोलीस हवालदार अभिजीत कांबळे व पोलीस कॉन्स्टेबल राहुल चव्हाण यांनी सहभाग घेतला.वाहतूक नियमांचे पालन करावे, हेल्मेटचा वापर करावा तसेच वाहनांमध्ये अनधिकृत बदल करून ध्वनीप्रदूषण करू नये, असे आवाहन सासवड पोलिसांकडून करण्यात आले आहे.