पुरंदर तालुक्यातील ऑस्करवाडी येथील माऊंटन मिस्ट या हॉटेलमध्ये अवैधरित्या हुक्का बार चालवताना तीन आरोपी विरुद्ध गुन्हा दाखल सासवड प्रतिनिधी :बापू मुळीक मुख्य संपादक पुरंदर प्राईम न्यूज: आस्करवाडी तालुका पुरंदर येथील गावच्या हद्दीमधील असलेले माउंटन मिस्ट या हॉटेलमध्ये 21 सप्टेंबर रोजी दोन वाजताच्या सुमारास हॉटेल माउंटन मिस्ट या हॉटेलमध्ये अवैध रित्या हुक्का बार चालू असल्याचे त्या ठिकाणी हुक्का सबंधाने वस्तू व पदार्थ जप्त करण्यात आले असून, एक विनोद प्रल्हाद सुद्रिक वय 49 वर्ष सध्या राहणारा राजस सोसायटी कात्रज तालुका हवेली जिल्हा पुणे 48, दोन आमीन कंगाल चौधरी वय 19 वर्ष सध्या राहणार आस्करवाडी माउंटन मिस्ट तालुका पुरंदर जिल्हा पुणे राहणार शहरी वाडा नंबर 9 तालुका धनगाडी जिल्हा कैलाली देश नेपाळ, तीन निषराज गणेश राज डेपगोटा वय 24 वर्ष सध्या राहणार माउंटन मिस्ट हॉटेल तालुका पुरंदर जिल्हा पुणे मूळ राहणार जगतपूर जानकी वाडा नंबर सात तालुका धनगाडी जिल्हा कैलाली देश नेपाळ हे ग्राहकांना धूम्रपानासाठी अवैधरित्या हुक्का पुरून त्या ठिकाणी हुक्का बार चालविताना आढळून आले असल्याने, काचेचे बनवलेले नऊ फुका पोट ,अफझल कंपनीचे तंबाखूजन्य पदार्थांचे फ्लेवरने भरलेले चौकोनी व गोलाकार दहा डबे, वेगवेगळ्या रंगाच्या मातीचे बनवलेले एक चिलीम, हुक्का ओढण्याचे सहा रबरी पाईप प्रत्येकी मिळून आलेला एकूण 61, 950 रुपयाचा मुद्देमाल जप्त करण्यात आलेला आहे, म्हणून सचिन सुरेश किवळे पोलीस कॉन्स्टेबल( शिपाई) सासवड यांनी सिगारेट व अन्य तंबाखूजन्य उत्पादने महाराष्ट्र सुधारणा अधिनियम 2018 ची कलम चार 21 अन्वये अन्वये कायदेशीर फिर्याद सासवड पोलीस स्टेशनला दिलेली आहे. सासवड पोलीस स्टेशनचे वरिष्ठ पोलीस निरीक्षक संतोष घोळवे यांच्या अधिपत्याखाली पुढील तपास पोलीस हवालदार अविनाश होळकर हे करीत आहेत.