सासवड ते सोनोरी रस्त्यातील खड्डे बुजविण्यासाठी 20 लाख, माञ खड्डे जाग्यावरच कामाच्या चौकशीची आरपीआयची जिल्हाधिकारी यांच्याकडे मागणी सासवड प्रतिनिधी : बापू मुळीक मुख्य संपादक पुरंदर प्राईम न्यूज: सासवड (ता. पुरंदर) येथील सासवड सोनोरी रस्त्याची खड्डे भरण्याचे काम निकृष्ट दर्जाचे झाल्याबद्दल मुख्य कार्यकारी अधिकारी जिल्हा परिषद पुणे व सार्वजनिक बांधकाम विभाग पुरंदर तसेच जिल्हाधिकारी यांना या कामाची चौकशी व्हावी. यासंदर्भात सात सप्टेंबर रोजी निवेदन देण्यात आले आहे. सासवड - सोनोरी रस्ता गेली अनेक वर्ष खड्ड्यामुळे वाहतुकीस अडचणीचा झाला असून या मार्गावरून एसटी बस, शेतकरी, विद्यार्थी जात असतात. हे खड्डे बुजविण्यासाठी 20 लाख रुपये कामाची निविदा देण्यात आली असून त्या रकमेचे काम झाल्याचे दिसत नाही सदर रस्त्याचे खड्डे आजही जागेवरच आहेत. इतकी मोठी रक्कम रस्ता दुरुस्तीसाठी दिली असताना हे काम दर्जेदार झाल्याचे दिसत येत नसून यात भ्रष्टाचार झाल्याचे उघड झाल्यामुळे पुरंदर तालुका आरपीआयचे अध्यक्ष बळीराम सोनवणे यांनी यासंदर्भात जिल्हाधिकारी यांना निवेदन देऊन या कामाचे योग्य तपासणी होत नाही तोपर्यंत बिल आदा करू नये, असे निवेदनात म्हटले आहे. आरपीआयचे तालुकाध्यक्ष बळीराम सोनवणे यांनी ही माहिती पत्रकारांना दिली. यावेळी लक्ष्मण पवार, आनंद काळे, सुनील शिंदे, शंकर राजू काळे, विलास किसन काळे, किसन बाजीराव काळे , आदी उपस्थित होते. फोटो : सासवड- सोनोरी रस्त्याचे खड्डे बुजविण्याचे टेंडर देऊनही खड्डे मात्र जागेवरच.