वाघीरे महाविद्यालयात रोजगार मेळाव्याचे आयोजन सासवड प्रतिनिधी: बापू मुळीक मुख्य संपादक पुरंदर प्राईम न्यूज: पुणे जिल्हा शिक्षण मंडळाच्या वाघिरे महाविद्यालय, सासवड येथील वाणिज्य विभाग, प्लेसमेंट विभाग आणि अभिष्का सोल्युशन्स, पुणे यांच्या संयुक्त विद्यमाने महाविद्यालयातील वाणिज्य विभागातील विद्यार्थ्यांसाठी बँकिंग आणि फायनान्स या क्षेत्रातील विविध रोजगार संधींबाबत रोजगार मेळाव्याचे आयोजन करण्यात आले होते. यावेळी लातूर सहकारी बँकेचे क्षेत्रीय अधिकारी श्री अभिजीत सावंत आणि अभिष्का सोल्युशन्स, प्लेसमेंट सेंटर पुणे येथील प्रतीक्षा गावडे यांना निमंत्रित करण्यात आले होते. यावेळी अध्यक्षस्थानी सावित्रीबाई फुले पुणे विद्यापीठ विद्यापीठ व्यवस्थापन परिषदेत सदस्य आणि महाविद्यालयाचे प्राचार्य डॉ. नितीन घोरपडे, वाणिज्य विभागाचे समन्वयक डॉ.नरसिंग गिरी,वाणिज्य विभागप्रमुख डॉ. किशोर लिपारे, प्लेसमेंट सेलचे समनव्यक प्रा. दिपक लोखंडे, प्रा. शुभम एक्के आणि वाणिज्य, बीबीए व बीसीए विभागातील 132 विद्यार्थी उपस्थित होते. यावेळी कार्यक्रमाचे प्रमुख अतिथी अभिजीत सावंत यांनी पुणे व परिसरातील बँकिंग आणि फायनान्स क्षेत्रामधील विविध रोजगारांच्या संधी आणि त्यासाठी आवश्यक कौशल्य व पात्रता व मुलाखतीसाठी आवश्यक बाबींचे विश्लेषण केले. त्यानंतर आपल्या अध्यक्षीय मनोगतात महाविद्यालयाचे प्राचार्य डॉ. नितीन घोरपडे यांनी वाणिज्य शाखेतील विद्यार्थ्यांना उपलब्ध असलेल्या संधीचे सविस्तर विश्लेषण केले. बदलत्या काळानुसार व तंत्रज्ञानानुसार वाणिज्य शाखेतील विद्यार्थ्यांना अनेक क्षेत्रांमध्ये नोकरीच्या संधी उपलब्ध आहेत पण त्यासाठी विद्यार्थ्यांनी आवश्यक कौशल्य व पात्रता धारण केली पाहिजे यासोबतच नवीन तंत्रज्ञान आत्मसात केले पाहिजे असे प्रतिपादन केले. यावेळी त्यांनी मुलाखतीसाठी आलेल्या सर्व विद्यार्थ्यांना शुभेच्छा दिल्या. यानंतर पार पडलेल्या मुलाखत प्रक्रियेमध्ये वाणिज्य शाखेतील 52 विद्यार्थ्यांची प्रथम फेरीतून दुसऱ्या फेरीसाठी निवड करण्यात आली.कार्यक्रमाचे सूत्रसंचालन व प्रास्ताविक डॉ.किशोर लिपारे यांनी केले तर आभार प्रदर्शन डॉ. नरसिंग गिरी यांनी केले. कार्यक्रमाचे आयोजन वाणिज्य विभाग व प्लेसमेंट अधिकारी अभिजीत सावंत वाणिजय विभाग प्रमुख किशोर लिपारे,प्रतिशा गावडे विभागाने महाविद्यालयाचे प्राचार्य डॉ. नितीन घोरपडे यांच्या मार्गदर्शनाखाली यशस्वीपणे केले. यासाठी वाणिज्य विभागातील सर्व प्राध्यापक तसेच शिक्षकेतर कर्मचारी संतोष लोणकर, शैलेश राऊत व गणेश खोडके यांचे सहकार्य लाभले.