पुरंदर तालुक्यातील सासवड पोलीस स्टेशनची मोठी अशी कारवाई 12, 94, 300 रुपये किमतीचा गुटखा व मुद्देमाल जप्त सासवड प्रतिनिधी: बापू मुळीक मुख्य संपादक पुरंदर प्राईम न्यूज : 4 सप्टेंबर रोजी तीन वाजता च्या सुमारामध्ये सहाय्यक पोलीस निरीक्षक वैभव सोनवणे हे रात्रगस्त करीत असताना, पोलीस निरीक्षक संतोष घोळवे यांना गोपनीय बातमीदारा मार्फत बातमी मिळाली असताना, मोजे नारायणपूर तालुका पुरंदर जिल्हा पुणे गावच्या हद्दीतील कोडीत रोडवरून एका राखाडी रंगाच्या वॅगनार कारमधून महाराष्ट्र शासनाच्या वतीने अन्न व औषध प्रशासन मुंबई यांनी अन्न सुरक्षा व मानके कायदा 2006 अन्वये प्रतिबंधित केलेल्या व मानवी जीवितास अपायकारक असलेल्या प्रतिबंधित गुटखा पान मसाला सुगंधी तंबाखूची वाहतूक होणार आहे, अशी सदर गोपनीय बातमीच्या आधारे सहाय्यक पोलीस निरीक्षक वैभव सोनवणे ,पोलीस हवालदार अविनाश होळकर, पोलीस शिपाई तेजस शिवतरे असे सरकारी वाहनाने रवाना झाले, बातमी मिळाल्यापासून मोजे नारायणपूर तालुका पुरंदर जिल्हा पुणे येथील कोडीत रोडवर सापळा कारवाई दरम्यान वरील वर्णनाची गाडी येताना दिसली असता, सदर गाडीचाआरटीओ नंबर एम एच 11 डी झेड 1954 असा असून, त्या गाडीचा ही तपासणी केली असता, पुढील वर्णनाचा मुद्देमाल मिळून आला 'केसर युक्त विमल पान मसाला" ए केसर युक्त विमल पान मसाला" "व्ही 1 केसरयुक्त विमल पान मसाला, "व्ही 1 सुगंधी तंबाखू व इतर असा एकूण 12,94, 300 रुपयेचा मुद्देमाल मिळून आला पोलीस स्टाफच्या मदतीने मुद्देमाल सासवड पोलीस स्टेशन येथे आणण्यात आला, तर सदर बाबत या सासवड पोलीस स्टेशन येथे तेजस विलास शिवतरे पोलीस शिपाई आणि सासवड पोलीस स्टेशन या ठिकाणी फिर्याद दाखल करून इसम नामे 1) जिनेश्वर कुबेर कल्याणी वय 18 वर्ष, 2) अजित राजाराम आबदान दोन्ही राहणार रुई हातकणंगले जिल्हा त्यांच्या विरुद्ध गुन्हा दाखल करण्यात आला. गु.र.नं 425/ 2026 भा.न्या.सं. 2023 कलम 123, 223, 3(5 )सह कलम अन्नसुरक्षा मानके अधिनियम 2006 व नियमन 2011 चे कलम 26 (2), 26( 2) 0, 27 (3)(क), 27(3)( म), 49 प्रमाणे गुन्हा दाखल करण्यात आला आहे. गुन्ह्याचा पुढील तपास सासवड पोलीस स्टेशनचे पोलीस सहाय्यक पोलीस निरीक्षक वैभव सोनवणे हे करीत आहेत. सदरची ही कारवाई संदीपसिंह गिल पोलीस अधीक्षक पुणे ग्रामीण, गणेश बिराजदार अप्पर पोलीस अधीक्षक बारामती ,राजेंद्रसिंह गौर उपविभागीय पोलीस अधिकारी भोर पुरंदर यांच्या मार्गदर्शनाखाली पोलीस निरीक्षक संतोष घोळवे, सहाय्यक पोलीस निरीक्षक वैभव सोनवणे, पोलीस हवालदार अविनाश होळकर, पोलीस हवालदार विशाल जाधव, पोलीस शिपाई बापू म्हेत्रे ,पोलीस शिपाई नवनाथ नानवर, पोलीस शिपाई तुषार लोंढे, पोलीस शिपाई प्रणय मखरे ,पोलीस शिपाई सचिन किवळे, पोलीस शिपाई अक्षय चिल्ले, पोलीस शिपाई प्रवीण शेंडे यांच्या पथकाने ही कारवाई केली आहे.