सासवडच्या वाघीरे विद्यालयाचे सातवी शिष्यवृत्ती परीक्षेत घवघवीत यश सासवड प्रतिनिधी : बापू मुळीक मुख्य संपादक पुरंदर प्राईम न्यूज: महाराष्ट्र शासनाच्या महाराष्ट्र राज्य परीक्षा परिषदेतर्फे दि. २६एप्रिल २०२६रोजी इयत्ता सातवी शिष्यवृत्ती परीक्षा राज्यात आयोजित करण्यात आली होती. या परीक्षेचा दि. २५जुलै २०२६रोजी जाहीर झाला असून इयत्ता सातवी शिष्यवृत्ती परीक्षेत सासवड येथील वाघीरे विद्यालयाच्या विद्यार्थ्यांनी घवघवीत यश संपादन केले आहे. इयत्ता सातवी शिष्यवृत्ती परीक्षेत विद्यालयातील विद्यालयातील एकूण २५ विद्यार्थी पात्र झाले असून ६ विद्यार्थ्यांना २००पेक्षा अधिक गुण मिळाले आहेत. गुणवत्ता यादीत ४ विद्यार्थी झळकले आहेत. शेट्टी सिद्धी(मिळालेले गुण२४४), हिप्परकर कार्तिक (२३४), कुंजीर वेदांत (२२६), निरगुडे तनिष्क (२२४) व तोडकर शुभंकर (२१०) जांभळे ओम (२०६)हे सहा विद्यार्थी पुणे जिल्हा गुणवत्ता यादीत आले असून एकूण चार विद्यार्थी शिष्यवृत्तीधारक झाले आहेत. विद्यार्थ्यांनी शिष्यवृत्ती मिळवून शाळेच्या शिरपेचात मानाचा तुरा रोवला आहे. या यशामागे विद्यार्थ्यांचे सातत्यपूर्ण परिश्रम, शिक्षकांचे प्रभावी मार्गदर्शन, मुख्याध्यापकांचे नियोजन आणि पालकांचे सहकार्य महत्त्वाचे ठरल्याचे विद्यालयाचे शिक्षिका घोलप यांनी सांगितले. चाचण्यांचे नियमित आयोजन करण्यात येत असल्याने विद्यार्थ्यांचा आत्मविश्वास आणि यशाचा आलेख उंचावत असल्याचेही त्यांनी सांगितले. शाळेत राबविण्यात येणारे विशेष मार्गदर्शन आणि शिक्षकांच्या अथक परिश्रमांमुळेच हे यश मिळाल्याचे विद्यालयाचे मुख्याध्यापक राजेंद्र कांबळे यांनी सांगितले. विद्यार्थ्यांच्या या उत्तुंग यशाबद्दल शाला समिती अध्यक्ष राहुल मिरासदार, महामात्र सुधीर भोसले, मुख्याध्यापक राजेंद्र कांबळे, उपमुख्याध्यापक शंतनू सुरवसे, पर्यवेक्षिका अर्चना लडकत यांनी विद्यार्थ्यांचे कौतुक केले आहे. या विद्यार्थांना इयत्ता सातवी शिष्यवृत्ती परीक्षेसाठी विद्यालयातील शिक्षिका घोलप, सहारे, सावंत, केंगले, जगताप यांचे विद्यार्थ्यांना मार्गदर्शन लाभले. विद्यार्थ्यांच्या या यशाबद्दल सर्व स्तरातून कौतुक होत आहे.