पुणे विभाग शिक्षक मतदार संघाची निवडणूक शिक्षक परिषद लढवणार - वेणूनाथ कडू सासवड प्रतिनिधी: बापू मुळीक मुख्य संपादक पुरंदर प्राईम न्यूज: अखिल भारतीय राष्ट्रीय शैक्षिक महासंघ संलग्न असलेली महाराष्ट्र राज्य शिक्षक परिषद ही पुणे विभाग शिक्षक मतदार संघाची निवडणूक लढणार असल्याची माहिती संघटनेचे प्रांताध्यक्ष वेणुनाथ कडू यांनी पुणे विभाग वार्षिक नियोजन बैठकीच्या अनुषंगाने म. ए. सो.वाघीरे विद्यालय सासवड ता.पुरंदर येथे उपस्थित पदाधिकाऱ्यांना मार्गदर्शन करताना सांगितले. महाराष्ट्र राज्य शिक्षक परिषद पुणे विभाग वार्षिक नियोजन बैठक दिनांक १ व २ ऑगस्ट २०२६ रोजी म. ए. सो. वाघीरे विद्यालय सासवड ता. पुरंदर येथे आयोजित करण्यात आली होते. या बैठकीमध्ये शिक्षक मतदारसंघात निवडणूक लढवणे या बरोबरच संघटना बांधणी या अनुषंगाने चर्चा करून त्या दृष्टीने नियोजन करण्यात आले. यामध्ये प्रामुख्याने सभासद नोंदणी, वृक्षारोपण, महिला सन्मान कार्यक्रम, गुणवंत शिक्षक सन्मान, कर्तव्य बोध दिन इत्यादी वार्षिक कार्यक्रम राबविणे. पंच परिवर्तन, शैक्षणिक गुणवत्ता व सामाजिक जाणीव करून देण्याकरिता सर्व विद्यार्थ्यांच्या पर्यंत पोहोचवणे, संत रोहिदास यांची ६५० वी जयंती वर्ष साजरे करणे, संघटनेचे क्लस्टर योजना करणे इत्यादी कार्यक्रम पुणे विभागातील जिल्हा पदाधिकाऱ्यांना देण्यात आले. जुनी पेन्शन योजना करिता पाठपुरावा करणे, अंशता अनुदानित शाळांना पुढील वाढीव टप्पा मिळवणे,१०:२०:३० योजना लागू करणे,वरिष्ठ व निवड श्रेणी मधील जाचक अटी काढून टाकणे, बीएलओ चे सक्तीने देण्यात येणारे कामे रद्द करणे, पटसंख्या अभावी शिक्षक अतिरिक्त होतात परंतु पटसंख्या वाढल्यानंतर शिक्षक तात्काळ द्यावेत,शारीरिक शिक्षण शिक्षक, कलाशिक्षक यांची नेमणूक करण्यात यावी, पदोन्नतीसाठी टीईटी सक्ती करू नये,अतिरिक्त शाळेतील शिक्षकांची सेवा जेष्ठता ग्राह्य धरण्यात यावी,आयसीटी शिक्षकांना सेवेत सामावून घ्यावे,माध्यमिक शिक्षकांना केंद्रप्रमुख पदी बढती मिळावी इ. मागण्याबाबत चर्चा व निर्णय घेण्यात आले. दोन दिवसाच्या या वार्षिक नियोजन बैठकीस प्रांताध्यक्ष वेणुनाथ कडू, सरकार्यवाह राजकुमार बोनकिले,राज्य कोषाध्यक्ष राजेंद्र सूर्यवंशी,राज्य संघटनमंत्री किरण भावठाणकर, राज्य कार्याध्यक्ष तथा पुणे विभाग माजी शिक्षक आमदार भगवानराव साळुंखे, राज्य कार्याध्यक्ष गुलाबराव गवळे, पुणे विभाग अध्यक्ष सुरेश राठोड,कार्यवाह बाळासाहेब चोपडे,कोषाध्यक्ष महेश शेलार,पुणे विभाग कार्याध्यक्ष अमित कुलकर्णी,राजेंद्र नागरगोजे, महिला आघाडी प्रमुख अंजली गोरे, प्राचार्य दत्ताराम रामदासी इ. उपस्थित होते. बैठकीचे नियोजन पुणे विभाग सहसंघटनमंत्री रामदास अभंग व पुणे ग्रामीण जिल्हा अध्यक्ष निलेश काशीद, जिल्हा कार्यवाह शिवहार लहाने, जिल्हा महिला आघाडी प्रमुख संगीता रिकामे यांच्या नेतृत्वाखाली करण्यात आले होते. महाराष्ट्र राज्य शिक्षक परिषद पुरंदर तालुका अध्यक्ष विजय पिलाणे, कार्याध्यक्ष दत्तात्रय गायकवाड, कार्यवाह दिपक भोसले, महिला आघाडी प्रमुख स्वाती कामथे, अर्चना उबाळे, उपाध्यक्ष बिभीषण देडे, प्रशांत बेंगळे, गणेश पाठक, सहकार्याध्यक्ष हिरामण सहारे, किशोर जगताप, संदीप गोरे, योगेश घोडके, गणेश माळी, मेघा कामथे,संगीता रामदासी,दत्तात्रय बनकर, आप्पा बरकडे, जितेंद्र कोकणी, सूर्यकांत खैरनार, दत्तात्रय धिंदळे आदी उपस्थित होते.