पुरंदर तालुक्यातील सासवड येथे श्री संत शिरोमणी सावता महाराज पुण्यतिथी निमित्त विविध कार्यक्रमांचे आयोजन सासवड प्रतिनिधी: बापू मुळीक मुख्य संपादक पुरंदर प्राईम न्यूज: सासवड (ता. पुरंदर) येथील सासवड - सोनोरी रस्त्यावरील श्री संत शिरोमणी सावता महाराज मंदिरात सावता महाराज पुण्यतिथी निमित्त विविध कार्यक्रमांचे आयोजन करण्यात आले होते. यात अखंड हरिनाम सप्ताह व सावता महाराज चरित्र पारायण तसेच दिंडी सांगता समारंभ व श्री संत शिरोमणी सावता महाराज पुण्यतिथी सोहळा असे विविध कार्यक्रमांचे आयोजन करण्यात आले होते. 8 ऑगस्ट रोजी श्री संत सावता महाराज व विठ्ठल रुक्मिणी मूर्तीना अभिषेक झाल्यानंतर ग्रंथ पूजन, कलश पूजन, विना पूजन याचे पूजन श्री संत सावता महाराज ट्रस्टचे अध्यक्ष सखाराम लांडगे व उपाध्यक्ष संदीप टिळेकर यांच्या हस्ते करण्यात आले. ह भ प श्री गणेश महाराज राऊत यांनी या व्यासपीठाचे नेतृत्व केले. दररोज पहाटे काकड आरती सकाळी श्री सावता महाराज चरित्र पारायण त्यानंतर गाथा वाचन व भजन, दुपारी हरिपाठ, सायंकाळी प्रवचन, रात्री कीर्तन त्यानंतर हरी जागर असे कार्यक्रम झाले. ह भ प दीपक महाराज भोसले, ह भ प नितीन महाराज हरणूळ, ह भ प विजय महाराज अधिकारी यांची प्रवचने झाली. तर ह भ प म्हस्के महाराज कामठे चांबळी, ह भ प गणेश महाराज राऊत सासवड, ह भ प संपदा महाराज बोरकर आंबोडी यांची कीर्तने झाली. तसेच श्री संत सावता महाराज भजनी मंडळ सासवड, श्री हनुमान भजनी मंडळ सासवड यांचा हरी जागर झाला. आज मंगळवार दिनांक 11 ऑगस्ट रोजी ह भ प स्वप्नील महाराज काळाने आंबोडी यांचे काल्याचे किर्तन होऊन दिंडीची मंदिर प्रदक्षिणा झाली त्यानंतर महाप्रसादाचा कार्यक्रम झाला. यावेळी अड. भगवान होले, संदीप टिळेकर, गुलाब लांडगे, अशोक भोंगळे, नाना लांडगे, अर्जुन लांडगे, देवराम लांडगे, सेवा लांडगे, चोपदार गेनबा बोरकर व यमाजी होले आदी उपस्थित होते. " निवृत्ती ज्ञानदेव, सोपान मुक्ताबाई, एकनाथ नामदेव, तुकाराम जयघोषित दिंडीची मंदिर प्रदक्षिणा झाली. यावेळी दिंडीवर फुलांची करण्यात आली. यावेळी महिलांनी या सोहळ्यात मोठ्या संख्येने सहभाग घेत फुगड्या खेळण्याचा आनंद घेतला.सोहळ्याचे आयोजन श्री संत सावता महाराज ट्रस्टचे अध्यक्ष ह भ प सखाराम लांडगे, उपाध्यक्ष संदीप चंद्रकांत टिळेकर, खजिनदार गुलाब सखाराम लांडगे यांनी केले.