पुरंदर तालुक्यातील सोनोरी या गावांमध्ये अवैध स्फोटक साठा जप्त सासवड प्रतिनिधी: बापू मुळीक मुख्य संपादक पुरंदर प्राईम न्यूज : पुरंदर तालुक्यातील सोनोरी येथे पोलिसांनी मध्यरात्री छापा टाकून, अवैध स्पोटक साठा आणि तीन वाहने असा एकूण 30 लाख 67 हजार 430 रुपये किमतीचा मुद्देमाल जप्त केला आहे. मानवी जीवितास धोका निर्माण होईल अशा पद्धतीने हा साठा केल्याप्रकरणी दोन जनावर गुन्हा दाखल करण्यात आला आहे. राजेंद्रकुमार रामदायाल बाहेती राहणार तावरे कॉलनी पुणे आणि सागर हिम्मत मंडल वय 30 राहणार चरोली अशी गुन्हा दाखल झालेले यांची नावे आहेत. पोलीस नाईक सचिन किवळे यांनी याप्रकरणी फिर्यादी दिली आहे. सोनोरी येथील गट क्रमांक 260 मध्ये ही कारवाई करण्यात आली पोलिसांनी दिलेल्या माहितीनुसार मध्यरात्री दोनच्या सुमारामध्ये संशयास्पद वाहनांची झडती घेतली असता आयशर ट्रॅक क्रमांक आर जे झिरो सहा जीबी 9830 आणि बोलेरो पिकप क्रमांक 4510 मध्ये मोठ्या प्रमाणामध्ये जिलेटिन कांड्या व डेक्कन पावरची बॉक्स आढळले यामध्ये तेरा लाख 19 हजार रुपयांचा आयशर ट्रॅक व स्फोटके सात लाख दहा हजार रुपयाची बोलेरो पिकप आणि दहा लाख 37 हजार रुपयाचा अन्य एक ट्रॅक असा एकूण 30 लाख 67 हजार 430 रुपयाचा मुद्देमाल जप्त करण्यात आला आहे. पोलीस निरीक्षक संतोष घोळपे यांच्या मार्गदर्शनाखाली हा पुढील तपास सुरू आहे.