पुरंदर तालुक्यातील सासवड नगरपालिका कामगार को.ऑप. के. सोसायटीच्या चेअरमनपदी प्रमोद भोंडे व व्हाईस चेअरमनपदी राजेंद्र बोरावके यांची निवड सासवड प्रतिनिधी: बाप्पू मुळीक मुख्य संपादक पुरंदर प्राईम न्यूज: सासवड नगरपालिकेच्या कामगार को.ऑप.के. सोसायटीच्या निवडणूक 24 ऑगस्ट रोजी दुपारी चार वाजताच्या सुमारामध्ये सहाय्यक निबंधक श्रीमती यशवंति मेश्राम यांच्या अध्यक्षतेखाली संपन्न झाली. चेअरमन पदासाठी प्रमोद भोंडे व न्यानेश्वर जगताप असे दोन अर्ज दाखल झाले होते. निवडणूक प्रक्रियांच्या माघारीच्या वेळेमध्ये कोणीही माघार न घेतल्याने चेअरमन पदासाठी प्रमोद भोंडे व ज्ञानेश्वर जगताप यांचे अर्ज वैद राहिल्याने दोघांमध्ये सरळ लढत झाली. मतदान प्रक्रिया ही चिट्ट्याद्वारे करण्यात आली त्यामध्ये प्रमोद भोंडे यांना 13 मते व ज्ञानेश्वर जगताप यांना एक मत मिळाले त्यामुळे सहाय्यक निबंधक तथा अध्यासी सासवड नगरपालिका कामगार को ऑफ क्रे सोसायटीच्या चेअरमन पदी प्रमोद भोंडे यांची निवड झाल्याचे घोषित करण्यात आले. त्यानंतर सासवड नगरपालिका कामगार को.ऑप.के. सोसायटीच्या व्हाई चेअरमन पदासाठी राजेंद्र बोरावके यांची सर्वानुमते नाव सुचविण्यात आले त्यामुळे सहाय्यक निबंधक तथा अध्यायशी श्रीमती यशवंती मेश्राम यांनी सासवड नगरपालिका कामगार को.ऑप. क्रे. सोसायटीच्या व्हाई चेअरमनपदी राजेंद्र बोरावके यांची बिनविरोध निवड झाल्याचे घोषित केले. कामगार सोसायटीचा कारभार हा पारदर्शक व सर्व संचालकांच्या सहकाऱ्यांने चालवण्यात येईल, कामगार सोसायटीच्या सभासदासाठी आवश्यक ती सर्व मदत व अडचणी प्रयत्नशील राहू असे नवनिर्वाचित चेअरमन प्रमोद भोंडे, व्हाईसचेअरमन राजेंद्र बोरावके यांनी आपले मत व्यक्त केले. पुरंदर सासवड माजी आमदार सासवड जगताप ,सासवड नगर परिषदेच्या नगराध्यक्ष आनंदी (काकी) चंदुकाका जगताप, मुख्याधिकारी डॉ. कैलास चव्हाण यांनी नवनिर्वाचित चेअरमन व्हाईस चेअरमन यांचे अभिनंदन करून पुढील वाटचालीस हार्दिक शुभेच्छा दिल्या. यावेळी सासवड नगरपालिका कामगार सोसायटीचे संचालक सोपान जगताप, मोहन चव्हाण, विकास राठोड, काळूराम भोंडे, राजेंद्र निरगुडे, सुमित साबळे, जितेंद्र रणपिसे, धनराज जाधव, सविता जगताप, संगीता जाधव, आशा रणपिसे व सासवड नगरपालिका कामगार सोसायटीचे सचिव तुकाराम जगताप व निलेश भोंडे आदी उपस्थित होते.