पुरंदर तालुक्यातील आस्करवाडीतील हुक्का पार्लरवर सासवड पोलीस स्टेशनची कारवाई सासवड प्रतिनिधी: बापू मुळीक मुख्य संपादक पुरंदर प्राईम न्यूज : सासवड पोलीस ठाण्याच्या हद्दीमधील आस्करवाडी तालुका पुरंदर येथील हॉटेल विलियंस वर पोलिसांनी छापा टाकून अवैध हुक्का पार्लर चालवणाऱ्या दोघांवर कारवाई केली आहे. अमर मुरलीधर वाडकर आणि संजय वाघ दोघे राहणार आस्करवाडी अशी त्यांची नावे आहेत. याप्रकरणी पोलीस कर्मचारी तुषार लोंढे यांच्या फियॅदीवरून सिगारेट व अन्य तंबाखूजन्य उत्पादने महाराष्ट्र सुधारणा अधिनियम 2018 अन्वये गुन्हा दाखल करण्यात आला आहे. हॉटेल विलियंस मध्ये ग्राहकांना धुम्रपानासाठी अवैधरित्या हक्का पुरवला जात असल्याची माहिती पोलिसांना मिळाली होती. त्यानुसार 16 ऑगस्ट रोजी दुपारी चार च्या सुमारामध्ये पोलिसांनी हॉटेलवर छापा टाकला असता, या छाप्यामध्ये पोलिसांनी काचेचा हुक्का पोट, विविध प्लेवरचे तंबाखूजन्य डबे, मातीची चिलीम, फिल्टर पाईप आणि हुक्का ओढण्याचे रबरी पाईप असा एकूण 11,560 रुपयाचा मुद्देमाल जप्त केला आहे याबाबत सविस्तर माहिती सासवड पोलीस स्टेशनचे वरिष्ठ पोलीस निरीक्षक संतोष घोळवे यांनी ही सर्व माहिती प्रतिनिधीला दिली.