गुरोळीमध्ये एसआयआर सर्वेक्षणाचे काम प्रगतीपथावर सासवड प्रतिनिधी:बापू मुळीक मुख्य संपादक पुरंदर प्राईम न्यूज : गुरोळी गावात सुरू असलेले एसआयआर (Special Intensive Revision) सर्वेक्षणाचे काम सध्या वेगाने प्रगतीपथावर असून संबंधित अधिकारी व कर्मचारी घराघरांत जाऊन नागरिकांची माहिती अद्ययावत करण्याचे काम करत आहेत. निवडणूक आयोगाद्वारे सध्या ग्रामीण भागात विशेष सखोल मतदार यादी पुनरीक्षण (SIR) मोहीम राबवली जात आहे. याअंतर्गत मतदार याद्यांची अचूकता तपासणी, स्थलांतरितांची नावे वगळणे आणि २००२ च्या जुन्या याद्यांशी नवीन मतदारांचे मॅपिंग केले जात आहे.या सर्वेक्षणाद्वारे मतदारांची माहिती अचूक व अद्ययावत करण्यावर भर देण्यात येत आहे. नागरिकांनी आवश्यक कागदपत्रे वेळेत उपलब्ध करून देत सर्वेक्षण पथकाला सहकार्य करावे, असे आवाहन प्रशासनाच्या वतीने करण्यात आले आहे.गावातील बहुतांश भागात सर्वेक्षण पूर्णत्वाकडे जात असून उर्वरित भागातही काम वेगाने सुरू आहे. नागरिकांच्या सक्रिय सहभागामुळे एसआयआर सर्वेक्षणाचे काम नियोजित वेळेत पूर्ण होईल, असा विश्वास बी एल ओ स्वाती पाटील यांनी व्यक्त केला.चौकट निवडणूक आयोगातर्फे SIR मोहीम राबवली जात आहे यामध्ये प्रत्येक गावामध्ये बीएलओ यांची नेमणूक केलेली आहे.गावामध्ये प्रत्येकाने सहकार्य करावे व मतदान गावात आहे परंतु ती परगावी राहत असतील तर त्यांना याबद्दल सूचित करण्यात यावे व प्रत्येकाने सहकार्य करावे असे गावचे माजी सरपंच हिरामण खेडेकर यांनी सांगितले.