पुरंदर तालुक्यातील सासवड येथील किती वर्षानंतर तरी ट्रस्टच्या बाजूने अखेर निकाल ; तर सासवड येथील काळभैरवनाथ देवस्थानच्या जमिनीचा प्रलंबित असणारा वाद अखेर मिटला सासवड प्रतिनिधी: बापू मुळीक मुख्य संपादक पुरंदर प्राईम न्यूज: सासवड येथील श्री काळभैरवनाथ मंदिर जमिनीचा गेल्या किती वर्षानंतर तरी प्रलंबित असलेला वाद अखेर मिटला आहे. तहसीलदार न्यायालयाने पुराव्याच्या आधारे देवस्थान ट्रस्टच्या बाजूने निकाल दिला असून, या निर्णयामुळे ग्रामस्थांनी गुलालाची उधळण व फटाकेची आतिषबाजी करत जल्लोष केला. टकले व त्यांच्या कुटुंबीयांनी देवस्थानच्या जमिनीची किंमत निश्चित करण्यासाठी तहसीलदार न्यायालयात अर्ज केला होता, तहसीलदारांनी दोन्ही बाजूचे पुरावे आणि युक्तिवाद तपासून हा अर्ज फेटाळून लावला व देवस्थानच्या बाजूने कौल दिला या निर्णयामुळे मोठा दिलासा मिळाल्याची भावना पुजारी राजेंद्र भैरवकर यांनी व्यक्त केली. यावेळी श्री काळभैरवनाथ मंडळ ट्रस्टचे अध्यक्ष रमेश (कारभारी) जगताप, उपाध्यक्ष पांडुरंग भोंगळे, चैत्रोत्सव समितीचे अध्यक्ष अजय जगताप, उपाध्यक्ष नितीन भोंगळे, रामभाऊ इनामके, प्रकाश जगताप, बाजीराव इनामके, दीपक जगताप ,चंद्रकांत गिरमे, संजय चव्हाण, विजय जगताप आदी उपस्थित होते. या प्रकरणांमध्ये ऍडव्होकेट युवराज वारघडे ,एडवोकेट अर्चना भैरवकर व सहकार्यांनी काम पाहिले. रमेश (कारभारी) जगताप यांनी प्रास्ताविक केले, तर रवींद्र पंत जगताप यांनी आभार मानले.