जिल्हा गुणवत्ता मूल्यांकनामध्ये मठवाडी शाळेचा गौरव... तालुक्यात प्रथम शाळा सासवड प्रतिनिधी:बापू मुळीक मुख्य संपादक पुरंदर प्राईम न्यूज: जिल्हा परिषद प्राथमिक शाळा बेलसरची मठवडी शाळा ( ता.पुरंदर ) यांनी उत्तुंग यश संपादित केल्याबद्दल पुणे विभागीय आयुक्त शितल तेली-उगले, जिल्हा परिषद मुख्य कार्यकारी अधिकारी गजानन पाटील, पुणे शिक्षणाधिकारी प्राथमिक, ललिता दहीतुले, शिक्षण अधिकारी माध्यमिक भाऊसाहेब कारेकर, जिल्हा प्रशिक्षण संस्थेचे प्राचार्य महेश शेंडकर यांच्या हस्ते शाळेचे मुख्याध्यापक विलास दुर्गाडे यांचा शाळा गुणवत्ता मूल्यांकन व आश्वासन आराखडा मध्ये तालुक्यात प्रथम, जिल्ह्यात चौथा क्रमांक आल्यामुळे दिनांक २३ जुलै २०२६ रोजी कौन्सिल हॉल, पुणे येथे सत्कार करण्यात आला.हा गौरव संपूर्ण शाळेचा, विद्यार्थ्यांचा, पालकांचा, शाळा व्यवस्थापन समिती आणि ग्रामस्थांचा व मठवाडी शाळेच्या उपशिक्षिका उल्का दुर्गाडे यांचा असल्याचे प्रतिपादन विलास दुर्गाडे यांनी केले.फोटो : पुणे (कौन्सिल हॉल) येथे शाळा गुणवत्ता मूल्यांकन मध्ये मठवाडी शाळेचा तालुक्यात प्रथम आल्याबद्दल शाळेचे मुख्याध्यापक विलास दुर्गाडे सत्कार करताना पुणे विभागीय आयुक्त शितल तेली- उगले शेजारी गजानन पाटील व इतर.