प्रथमच चांबळी सोसायटीच्या चेअरमनपदी महिला श्रीमती वैशाली शेंडकर यांची बिनविरोध निवड सासवड प्रतिनिधी:बापू मुळीक मुख्य संपादक पुरंदर प्राईम न्यूज: पुरंदर तालुक्यातील चांबळी येथील चांबळी विविध कार्यकारी सोसायटीच्या चेअरमनपदी प्रथमच महिला श्रीमती वैशाली संजय शेंडकर यांची बिनविरोध निवड करण्यात आली.माजी चेअरमन भाऊसो कामठे यांनी आपला कार्यकाल पूर्ण झाल्यामुळे पदाचा राजीनामा दिला होता. या रिक्त झालेल्या जागी निवडणूक होऊन पुरंदर तालुका सहायक निबंधक यशवंती मेश्राम यांनी ही निवडणूक बिनविरोध झाल्याची घोषणा केली. सहाय्यक निवडणूक अधिकारी म्हणून सोसायटीचे सचिव संपत शेडगे यांनी काम पाहिले.यावेळी माजी चेअरमन दत्तात्रेय शेंडकर(जि. एस.), संचालक भाऊसो कामठे, दशरथ ढवळे, विलास कामठे, बबन गायकवाड, मधुकर कामठे, बाळासो कामठे, प्रकाश भालेराव, मंगला कामठे, , प्रसाद कामठे आदी मान्यवर उपस्थित होते. व युवानेते गोरख शेंडकर यांच्या हस्ते सासवड येथे निवड झाल्यानंतर वैशाली शेंडकर यांचा सत्कार करण्यात आला.यावेळी चांबळी गावातील महिला प्रथमच चेअरमनपदी विराजमान झाल्यामुळे महिलामध्ये नवचैतन्य आले असून सत्कारावेळी नितीन शेंडकर, रघुनाथ कामठे, अतुल शेंडकर, गणेश शेंडकरसर, रामदास शेंडकर, आदी मान्यवर व समस्थ ग्रामस्थ चांबळी ग्रामस्थ उपस्थित होते.