पुरंदर तालुक्यातील वीज चोरी प्रकरणी कारवाई मध्ये पिसर्वे येथील आलेल्या विद्युत मंडळाच्या अधिकाऱ्यांना मारहाण सासवड प्रतिनिधी: बापू मुळीक मुख्य संपादक पुरंदर प्राईम न्यूज: पुरंदर तालुक्यातील पिसर्वे येथे हॉटेल साईलीला मध्ये वीज चोरी प्रकरणी कारवाई करीत असताना, महावितरणच्या अधिकाऱ्यांना शिवीगाळ व मारहाण करण्यात आली असून, या प्रकरणी पाच जनावर जेजुरी पोलीस स्टेशन येथे गुन्हा दाखल केलेला आहे. संदीप अंकुश कोलते, सचिन कांतीलाल कोलते, गणेश कोलते, वैभव कोलते, अरुण अंकुश कोलते सर्व राहणार पिसर्व अशी त्यांची नावे असून, याप्रकरणी जेजुरी पोलिसांनी दिलेल्या माहितीनुसार जेजुरी पोलीस ठाण्यामधील हद्दीतील पिसर्वे येथे दोन जुलै रोजी महावितरणचे अधिकारी साईलीला हॉटेलमध्ये वीज चोरी प्रकरणी कारवाई करण्यासाठी गेले होते, त्यावेळी वरील पाच जणांनी दारू पिऊन येत बेकायदा गर्दी जमवत, शासकीय कामकाजामध्ये अडथळा आणला, तसेच कनिष्ठ अभियंता साबळे यांचा मोबाईल फेकून दिला महावितरणचे प्रधान तंत्रज्ञ विक्रम तुपे व वरिष्ठ अधिकारी जीवन ठोंबरे यांना मारहाण करण्यात आली, तसेच वैभव कोलते यांनी परत तुम्ही इकडे आला तर हातपाय तोडू अशा प्रकारची धमकी दिली. याबाबत महावितरणच्या अधिकाऱ्यांनी जेजुरी पोलीस ठाण्यामध्ये फिर्याद दिलेली आहे. त्यानुसार पाच जणांवर गुन्हा दाखल करण्यात आलेला आहे, अशी माहिती पोलीस निरीक्षक रवींद्र पाटील, सहाय्यक पोलीस निरीक्षक ज्ञानेश्वर उदार यांनी ही माहिती दिली.