पुणे पंढरपूर रस्त्याकडे प्रशासनाचे दुर्लक्ष सासवड प्रतिनिधी: बापू मुळीक मुख्य संपादक पुरंदर प्राईम न्यूज: पुणे पंढरपूर ९६५ राष्ट्रीय महामार्ग पूर्ण झालेल्या रस्त्याकडे प्राधिकरणाचे दुर्लक्ष कारवाईची मागणी.पुणे पंढरपूर राष्ट्रीय महामार्ग 965 वर अपघातांची मालिका सुरूच आहे. झेंडेवाडी जवळील उड्डाणपूल संपल्यानंतर सुरू होणाऱ्या रस्त्यावर मोठा खड्डा पडला आहे गेली 3 वर्षापासून काम सुरू आहे .पुण्याला जाणाऱ्या वाहनांना व प्रवाश्यांना त्रास सहन करावा लागत आहे.धूळ सुरू असणारे काम वाहतूक कोंडी सर्वच समस्या आहेत परंतु ज्या ठिकाणी रस्ते पूर्ण झाले आहेत तेही दर्जेदार नसावेत ही शोकांतिका आहे .रस्त्यावरील लाईट बऱ्याच वेळेस बंद असतात . रस्त्यावरील खड्यात गाड्या आपटतात . अचानक वाहनांनी ब्रेक लावल्यास मागील गाडी आदळून अपघात होण्याची शक्यता निर्माण झाली आहे.कधी रस्ता पूर्ण होईल आणि प्रवास सुखकर होईल असा प्रश्न पडलेला असतानाच पूर्ण झालेले रस्ते पहिल्या पावसातच राष्ट्रीय महामार्गाचे रस्ते खराब झालेले आहेत याचे आश्चर्य वाटत आहे.कोण अधिकारी या रस्त्याची पाहणी करतात? काम करणाऱ्या ठेकेदारांवर काय कारवाई करतात ? यांना कोणी जाब विचारत आहे किंवा नाही?आषाढी वारीमुळे वाहतूक मोठ्या प्रमाणात सुरू आहे. खड्ड्यांमुळे अपघात होऊ नयेत म्हणून तत्काळ दुरुस्ती जबाबदार अधिकाऱ्यांवर कारवाई करण्यात यावी. अशी मागणी सामाजिक कायॅकॅतेडॉ उदयकुमार वसंतराव जगताप यांनी केली आहे.