पुरंदर तालुक्यातील ढुमेवाडी येथे फॉरर्च्यूनरची दुचाकीला धडक ; तर एक तरुण गंभीर जखमी सासवड पोलीस स्टेशनला गुन्हा दाखल सासवड प्रतिनिधी: बापू मुळीक मुख्य संपादक पुरंदर प्राईम न्यूज : 21 जुलै रोजी रात्री 11:30 वाजताच्या सुमारामध्ये ओंकार विकास जगताप वय 22 वर्ष हे त्यांच्या मोटारसायकल नंबर एम एच बारा झेड टी 7857 घेऊन चालवीत येत असताना, पांढऱ्या रंगाची फॉरर्च्यूनर गाडी नंबर एम एच बारा एक्स क्यू 2509 यावरील अनोळखी चालकाने रहदारीच्या नियमाकडे दुर्लक्ष करून, भरधाव वेगात चालवून ओंकार यांच्या मोटार सायकलला पाठीमागून जोरात धडक देऊन त्याला गंभीर अशी दुखापत होऊन गाडीचे नुकसानीचा कारणीभूत ठरल्याच्या कारणावरून अपघाताची खबर न देता निघून गेले, असताना फॉरर्च्यूनर गाडी नंबर एम एच बारा एक्स क्यू 2509 यावरील असणाऱ्या अनोळखी इसमा विरुद्ध तक्रार फिर्यादी ऋषिकेश विकास जगताप वय 23 वर्ष राहणार सुपे खुर्द तालुका पुरंदर यांनी सासवड पोलीस स्टेशन येथे त्याविरुद्ध गुन्हा दाखल केला आहे. सासवड पोलीस स्टेशन गुन्हा रजिस्टर नंबर 341/2026 भा. न्या.सं.का.क 281, 125( a), 125 (b) 324 (4)सह.मो. वा. का.क184, 134, 177 नुसार सासवड पोलीस स्टेशन येथे गुन्हा दाखल झाला आहे .सासवड पोलीस स्टेशनचे वरिष्ठ पोलीस निरीक्षक संतोष घोळवे यांच्या अधिपत्याखाली पोलीस हवालदार अभिजीत कांबळे हे पुढील तपास करीत आहेत.