पुरंदर तालुक्यातील भिवडी येथील मल्हार एक्वा मध्ये वीज चोरी श्रीकांत गायकवाड यांच्याविरुद्ध गुन्हा दाखल सासवड प्रतिनिधी :बापू मुळीक मुख्य संपादक पुरंदर प्राईम न्यूज: भिवडी ता. पुरंदर येथील मल्हार एक्वा या व्यावसायिक आस्थापनामध्ये वीज मीटरपूर्वी अनाधिकृत जोडणी करून, वीज चोरी केल्याप्रकरणी सासवड पोलीस ठाण्यामध्ये भारतीय विद्युत कायदा 2003 च्या कलम 135 अन्वये गुन्हा दाखल करण्यात आला आहे, याप्रकरणी महाराष्ट्र राज्य वीज वितरण कंपनीच्या भरारी पथक बारामती येथील अतिरिक्त कार्यकारी अभियंता रघुनाथ नाथाबा गोफने यांनी फिर्याद दिली असून, श्रीकांत मल्हारी गायकवाड राहणार भिवडी ता. पुरंदर यांच्या विरुद्ध गुन्हा नोंदविण्यात आलेला आहे फिर्यादीनुसार 10 मार्च 2026 रोजी अतिरिक्त कार्यकारी अभियंता रघुनाथ नाथाबा गोफने, सहाय्यक अभियंता संदीप अनिल रणदिवे, सहाय्यक सुरक्षा व अंमलबजावणी अधिकारी विजय पांडुरंग गडसिंग ,वरिष्ठ तंत्रज्ञ विनोद अशोकराव देवने आणि जयकुमार आदिनाथ गावडे यांनी भिवडी येथील गट क्रमांक 830 मधील मल्हार एक्वा या आस्थापनाची तपासणी केली त्यावेळी वीज ग्राहक श्रीकांत मल्हारी गायकवाड आदी उपस्थित होते.तपासणी दरम्यान पोलवरून येणाऱ्या इन क्रमिक सर्विस वायरला वीज मीटरपूर्वी अनाधिकृत टेप घेऊन 2.5 चौरस मि. मी निळ्या रंगाच्या वायर द्वारे थेट वीजपुरवठा घेतल्याचे निदर्शनास आले, त्यामुळे वीज मीटरवर वीज वापराची योग्य नोंद होत नसल्याने, वीज चोरी झाल्याचे स्पष्ट झाले ही बाब श्रीकांत मल्हारी गायकवाड यांना निदर्शनास आणून दिल्यानंतर त्यांनी ती मान्य केल्याची फिर्यादीत नमूद करण्यात आले आहेत .तपासणी दरम्यान मीटरचे रीडिंग 389 युनिट असून, प्रत्यक्ष जोडलेला भार 3.63 किलो वॅट आढळला तर मजूर भार केवळ एक किलो वॅट होता, घटनास्थळी पंचनामा करून तपासणी अहवाल 32, 158 तयार करण्यात आला वी चोरीसाठी वापरलेली अंदाजे तीन फूट लांबीची 2.5 चौ मि.मी निळ्या रंगाची वायर जप्त करून शील बंद करण्यात आली ,व ती अतिरिक्त कार्यकारी अभियंता रघुनाथ नाथाबा गोफने यांच्या ताब्यात देण्यात आली. महावितरणच्या नोंदणी नुसार श्रीकांत मल्हारी गायकवाड यांनी मागील 18 महिन्यात 7870 युनिट वीज अनाधिकृत रीत्या वापरल्याचे निष्पन्न झाले असून, त्याची मूल्य एक लाख 81 हजार 686 आहे त्यांनी 13 मे 2026 रोजी पावती क्रमांक 00 63 582 द्वारे एक लाख 83 हजार 550 रुपये भरले असले तरी वीस हजार रुपयाची जवळ रक्कम अद्याप भरलेली नसल्याची फिर्यादीत नमूद करण्यात आले आहे. सदर गुन्ह्याची नोंद दाखल अमलदार पोलीस नाईक हिप्परकर गोकुळ यांनी केली असून, पुढील तपास पोलीस हवालदार जाधव हे करीत आहेत ,या प्रकरणावर सासवड पोलीस स्टेशनचे वरिष्ठ पोलीस निरीक्षक संतोष घोळवे यांच्या मार्गदर्शनानुसार हा तपास चालू आहे.