पुरंदर तालुक्यातील गराडे मठवाडी येथील जमीन गट क्रमांक 1253 व 1252 मध्ये जगदाळे या दोन गटांमध्येच वादाच्या जमिनीमध्ये जेसीपी लावून तुंबळ हाणामारी सासवड प्रतिनिधी: बापू मुळीक मुख्य संपादक पुरंदर प्राईम न्यूज: गराडे मठवाडी ता. पुरंदर येथील दि. 17 जुलै रोजी सकाळी 11 च्या सुमारामध्ये जमीन गट क्रमांक 1253 मध्ये चंद्रकांत रघुनाथ जगदाळे व स्वप्नील चंद्रकांत जगदाळे यांनी वादाच्या जमिनीमध्ये जेसीपी लावून काम करून घेत असताना, त्या ठिकाणी विचारणा केली असता, स्वप्नील जगदाळे यांनी 'तुझा इथं काय संबंध' तू इथून निघून गेला नाहीस, तर तुला मारून टाकीन. अशी प्रकारची शिवीगाळ करून धमकी देऊन शेजारी पडलेल्या काठीने स्वप्निल याने उजव्या पायावर उजव्या हातावर मारहाण करून, दुखापत व शिवीगाळ दमदाटी करून जीवे मारण्याची धमकी दिली .चंद्रकांत रघुनाथ जगदाळे यांनी हाताने व लाथा बुक्क्यांनी मारहाण करून, आता तुला जिवंत ठेवत नाही असे म्हणून, शिवीगाळ करून जीवे मारण्याची धमकी दिली. फिर्यादी सुजित सुरेश जगदाळे वय 34 वर्ष व्यवसाय शेती व झेरॉक्स दुकान राहणार गराडे मठवाडी तालुका पुरंदर जिल्हा पुणे त्यांनी सासवड पोलीस स्टेशन येथे येऊन आरोपी स्वप्नील चंद्रकांत जगदाळे,व चंद्रकांत रघुनाथ जगदाळे राहणार दोघेही मठवाडी गराडे यांच्या विरुद्ध सासवड पोलीस स्टेशन येथे गुन्हा दाखल केला आहे. सासवड पोलीस स्टेशन गुन्हा रजिस्टर नंबर 328/ 2026 भा.न्या.स कलम 118 (1), 115( 2), 352, 351 (2)( 3), 3( 5) अन्वये सासवड पोलीस स्टेशन येथे गुन्हा दाखल झाला आहे. 17 जुलै रोजी 11:30 वाजता गराडे मठवाडी येथील क्षेत्र जमीन गट नंबर 1252 मधील स्वप्निल चंद्रकांत जगदाळे यांच्या मालकीची 36 गुंठे मधील नवीन घर बांधणी करत असताना, साफसफाई करत असताना त्या ठिकाणी गावातील सुजित सुरेश जगदाळे हा त्या ठिकाणी हातात' लोखंडी कोयता घेऊन येऊन मोठमोठयानी शिवीगाळ दमदाटी करीत असताना चंद्रकांत यांना हाताने मारहाण करून आई मालन हिचे साडीचे पदर ओढून तिला ढकलून दिले असताना, हातातील लोखंडी कोयता स्वप्निल जगदाळे यांच्या डोक्यात मध्यभागीे मारून त्या ठिकाणी त्यांना जखमी केले व जागेत पुढे उभा राहिला असताना , तुला जीवे ठार मारेल अशा प्रकारची धमकी दिली त्यामुळे फिर्यादी स्वप्निल चंद्रकांत जगदाळे वय 32 वर्ष राहणार गराडे तालुका पुरंदर आरोपी सुजित सुरेश जगदाळे यांच्या विरुद्ध सासवड पोलीस स्टेशनला गुन्हा दाखल केला आहे, सासवड पोलीस स्टेशन गुन्हा रजिस्टर नंबर 330/ 2026 कलम 118 (1) ,115 (2), 352, 351 (2), 351 (3) नुसार सासवड पोलीस स्टेशन येथे परस्पर विरोधी दोन्ही गटांमध्ये गुन्हे दाखल झालेले आहेत. सासवड पोलीस स्टेशनचे वरिष्ठ पोलीस निरीक्षक संतोष घोळवे यांच्या अधिपत्याखाली पोलीस हवालदार अविनाश होळकर हे पुढील तपास करीत आहेत.