आरटीआय नियम २०२६ विरोधात पुरंदरमधील माहिती अधिकार कार्यकर्तेआक्रमक; नियम रद्द करण्याची मागणी सासवड प्रतिनिधी:बापू मुळीक मुख्य संपादक पुरंदर प्राईम न्यूज: महाराष्ट्र शासनाने १२ जून २०२६ पासून लागू केलेल्या महाराष्ट्र माहिती अधिकार (आरटीआय) नियम २०२६ विरोधात पुरंदर तालुक्यातील माहिती अधिकार कार्यकर्ता महासंघ पुरंदर, सामाजिक कार्यकर्ते आणि नागरिकांनी पुरंदर तहसील कार्यालयात एकत्र जमून नव्या नियमांना तात्काळ स्थगिती देण्याची अथवा ते रद्द करण्याची मागणी करण्याचे निवेदन मुख्यमंत्री, मुख्य माहिती आयुक्त, केंद्रीय माहिती आयोग यांना मेल करून निवेदन पाठवण्यात आले. तसेच तालुका स्थरावर आमदार, उपविभागीय अधिकारी व तहसीलदार यांना निवेदन देण्यात आले. त्याच वेळी मुबई येथील आजाद मैदानावर होणाऱ्या एकदिवशीय आंदोलनात सहभागी होण्यासाठी जाण्याचे नियोजन हीं करण्यात आले. त्यात सर्व कार्येकर्ते जाणार असल्याचेही ठरवण्यात आले. या वेळी माहिती अधिकार कार्यकर्ता फेडरेशन, पुरंदर तालुक्यातील एस. डी भोसले, कुंडलिक भोसले, नंदकिशोर कामठे, बाळासाहेब लेंडे, अविनाश जाधव, नवनाथ फडतरे, योगेश पवार, ए. टी. माने, उदय गायकवाड व इतर जेष्ठ नागरिक यानी निवेदन दिले.