आषाढी वारी साठी नियोजन विभागीय आयुक्त शीतल तेली उगले यांच्याकडून पालखी महामार्गाची थेट अशी पहाणी सासवड प्रतिनिधी :बापू मुळीक मुख्य संपादक पुरंदर प्राईम न्यूज: आषाढी एकादशी यात्रा पालखी सोहळ्याच्या पार्श्वभूमीवर वारकऱ्यांच्या सुविधा आणि सुरक्षेचा आढावा घेण्यासाठी विभागीय आयुक्त शीतल तेली उगले यांनी श्री संत ज्ञानेश्वर महाराज पालखी महामार्गाची प्रत्यक्ष पाहणी केली. पुणे जिल्ह्यातील आळंदी, देहू, हडपसर, सासवड, जेजुरी, वाल्हे आणि निरा येथील पालखी मार्गाची पाहणी करून, त्यांनी व्यवस्थेचा सविस्तर असा आढावा घेतला, सासवड येथील पालखीतळाची पाहणी करून त्यांनी उपस्थित अधिकाऱ्यांना आवश्यक त्या सुधारणा वेळेत पूर्ण करण्याची निर्देश दिले आहेत .पुणे जिल्ह्यातील पाहणी दौरा आटोपून विभागीय आयुक्त पुढील आढाव्यासाठी सातारा आणि सोलापूर जिल्ह्याकडे मार्गस्थ झाल्या आहेत, प्रशासकीय यंत्रणा हाय अलर्ट वरती सासवडमध्ये सर्वपक्षीय लोकप्रतिनिधी आणि अधिकाऱ्यांची उपस्थिती विभागीय आयुक्तांनी सासवड येथील पालखीतळाला भेट देऊन, तेथील तयारीची प्रत्यक्ष पाहणी केली असता त्यांच्यासोबत जिल्हाधिकारी गजानन पाटील, उपायुक्त तुषार ठोंबरे, उपविभागीय अधिकारी वर्षा लांडगे, तहसीलदार विक्रम राजपूत आणि पुरंदरच्या गटविकास अधिकारी प्रणोती श्रीश्रीमाळ यांच्यासह उपविभागीय पोलीस अधिकारी राजेंद्र सिंह गौर, सासवड पोलीस स्टेशनचे वरिष्ठ पोलीस निरीक्षक कुमार कदम, नगर परिषदेचे मुख्याधिकारी डॉक्टर कैलास चव्हाण, नगराध्यक्ष आनंदी काकी जगताप तसेच महावितरण राष्ट्रीय महामार्ग प्राधिकरण, सार्वजनिक बांधकाम विभाग, आरोग्य विभाग आणि अन्य शासकीय यंत्रणेचे अधिकारी आधी उपस्थित होते. वीज पाणी आणि रस्ते व्यवस्थेवर विशेष असा भर द्यावा सासवड नगरपालिकेचे उपनगराध्यक्ष मनोहर जगताप ,गटनेते अजित जगताप यांनी विभागीय आयुक्तांचे स्वागत करून नगरसेवक राजन भैया जगताप, ज्ञानेश्वर गिरमे, अस्मिता उमेश जगताप, जिल्हा परिषद सदस्य हरिभाऊ लोळे आणि अजय कैलास इंगळे या स्थानिक नेत्यांनी वारी दरम्यान उद्भवणाऱ्या स्थानिक समस्या विषयी प्रशासनाचे लक्ष वेधले, सासवड पालखीतळाची पाहणी करताना आयुक्तांची चंदन टेकडी ते पालखी तळापर्यंत पुरेशी व सुरक्षित प्रकाश योजना उभारण्याच्या सूचना सासवड नगर परिषदेला देण्यात आलेल्या आहेत, महावितरण ला विद्युत सुरक्षेच्या सर्व नियमांचे काटेकोरपणे पालन करण्याचे आदेश देण्यात आलेले आहेत, विद्युत अपघात होणार नाही याची दक्षता घेण्यास सुद्धा सांगितलेले आहे, राष्ट्रीय महामार्ग प्राधिकरण फुरसुंगी ते दिवे घाट रस्त्याची प्रलंबित काम युद्ध पातळी पूर्ण करण्याची निर्देश देण्यात आलेले आहेत ,दिवेघाट परिसरातील खोदकामामुळे पावसाळ्यात दगड किंवा माती रस्त्यावर येऊन वारकऱ्यांच्या सुरक्षेतेला धोका निर्माण होऊ नये, यासाठी आवश्यक बारीक व प्रतिबंधात्मक उपाययोजना करण्याच्या सूचना देण्यात आलेल्या आहेत, पालखीतळ आणि विसावा स्थळावर पाणी साचणाऱ्या भागांमध्ये मुरूम टाकून आवश्यक अशा दुरुस्ती करण्याचेही निर्देश देण्यात आलेले आहेत ,वारकऱ्यासाठी पाणीपुरवठा आणि आरोग्य सुविधांची तयारी पालखी मुक्काम वीसावा असलेल्या गावांमध्ये पिण्याच्या पाण्याच्या योजनांसाठी अतिरिक्त राखीव पंप उपलब्ध ठेवणे टँकर संख्या वाढवणे आणि पर्यायी यंत्रणा सज्ज ठेवणे यावर आयुक्तांनी भर दिलेला आहे. मार्गावरील आवश्यक ठिकाणी पाण्याच्या टाक्या उभारण्याच्या सूचनाही देण्यात आलेल्या आहेत, उन्हाळा आणि पावसाळा या दोन्ही परिस्थितीचा विचार करून बोरावके मळा खळद आणि शिवरी येथे आरोग्य मदत केंद्र उभारण्याबरोबरच पुरेशी वैद्यकीय सुविधाही उपलब्ध करून देण्याची निर्देश देण्यात आलेली आहेत, झेंडेवाडी ते वाल्हे पर्यंत पाहणी आयुक्तांनी झेंडेवाडी विसावा तळापासून पाहणी दौऱ्याला सुरुवात केली त्यानंतर सासवड जेजुरी आणि वाल्हे येथील पालखी मुक्काम तळाची तसेच बोरावके मळा ,यमाई शिवरी ,साकुर्डे दौंडज शिव आणि पिंपरी खुर्द येथील विसावा तळाची प्रत्यक्ष पाहणी करून सुविधा आणि तयारीचा आढावा घेतला.