सरस्वती ज्ञान संस्था, किलबिल इंग्लिश मीडियम स्कूलला 'आदर्श इंग्लिश मिडीयम स्कूल पुरस्कार २०२६' प्रदानपुण्यातील सारथी सभागृह येथे आयोजित समारंभात सन्मान सासवड प्रतिनिधी: बापू मुळीक मुख्य संपादक पुरंदर प्राईम न्यूज : नेटवर्कशिक्षण क्षेत्रातील उल्लेखनीय कार्याची दखल घेत सरस्वती ज्ञान संस्था, किलबिल इंग्लिश मीडियम स्कूलच्या प्री-स्कूल विभागाला 'आदर्श प्री-स्कूल पुरस्कार २०२६' प्रदान करण्यात आला. पुण्यातील सारथी सभागृह येथे आयोजित विशेष समारंभात हा सन्मान देण्यात आला. महाराष्ट्र शासनाच्या शालेय शिक्षण विभागाचे राज्यमंत्री डॉ. पंकज भौयर, राज्यसभा खासदार प्राचार्य मेघाताई कुलकर्णी, प्राथमिक शिक्षण संचालक शरद गोसावी तसेच शिक्षक आघाडी, पुणे शहरचे अध्यक्ष प्रा. सुनील मोरे यांच्या हस्ते हा पुरस्कार प्रदान करण्यात आला. पुरस्कारांचे स्वरूप सन्मानपत्र, सन्मानचिन्ह, शाल व श्रीफळ असे होते.हा पुरस्कार सरस्वती ज्ञान संस्था, किलबिल इंग्लिश मीडियम स्कूलच्या प्री-स्कूल विभागाला प्रदान करण्यात आला. विद्यालयाच्या वतीने संस्थेच्या प्रतिनिधींनी हा सन्मान स्वीकारला.सासवड व परिसरातील विद्यार्थ्यांच्या शैक्षणिक जडणघडणीत किलबिल इंग्लिश मीडियम स्कूलने उल्लेखनीय योगदान दिले आहे. 'आरोग्य, संस्कार आणि शिक्षण' या त्रिसूत्रीवर आधारित शैक्षणिक उपक्रमांमुळे विद्यालयाने वेगळी ओळख निर्माण केली आहे. विद्यार्थ्यांना आधुनिक शिक्षणासोबतच भारतीय संस्कृती, परंपरा आणि नैतिक मूल्यांचे शिक्षण दिले जाते.विविध सण-उत्सवांचे आयोजन, पालकांसाठी व्याख्याने व चर्चासत्रे तसेच विद्यार्थ्यांच्या सर्वांगीण विकासासाठी विविध उपक्रम सातत्याने राबविले जातात. या यशामध्ये सरस्वती ज्ञान संस्थापक श्रीकांत जगताप व किलबिल इंग्लिश मीडियम स्कूल प्रिन्सिपल मनीषा जगताप आणि शिक्षकवृंद, पालक आणि विद्यार्थ्यांचे मोलाचे योगदान असल्याचे सांगत विद्यालय व्यवस्थापनाने सर्वांचे आभार मानले.पुरस्कार प्राप्त झाल्यानंतर शिक्षण क्षेत्रासह विविध स्तरांतून किलबिल इंग्लिश मीडियम स्कूलचे अभिनंदन व कौतुक केले जात आहे. सरस्वती ज्ञान संस्थेचे अध्यक्ष श्रीकांत जगताप व किलबिल इंग्लिश मीडियम स्कूलच्या प्रिन्सिपल मनीषा श्रीकांत.