पुरंदर तालुक्यामध्ये डेंगू , चिकून गुनिया विरोधात जनजागृती मोहीम ; तर हिवताप प्रतिरोध महिना सासवड प्रतिनिधी: बापू मुळीक मुख्य संपादक पुरंदर प्राईम न्यूज: हिवताप प्रतिरोध महिना जुन २०२६पावसाळयाच्या पार्श्वभुमीवर पुरंदर तालुक्यातील गावांमध्ये तसेच सासवड व जेजुरी शहरामध्ये किटकजन्य आजार नियंत्रणासाठी सालाबाद प्रमाणे हिवताप प्रतिरोध महिना २०२६ साजरा करण्यात येणार आहे. यामध्ये किटकजन्य आजार नियंत्रणासाठी किटकशास्त्रीय सर्वेक्षण, खाजगी वैद्यकीय व्यवसायिकांचा सहभाग, महिला बचत गट सभा, प्रभात फेरी, शालेय विद्यार्थ्यांची कार्यशाळा, जनजागृतीसाठी महिलांचा सहभाग वाढविणे, विविध प्रसिध्दी माध्यमांव्दारे जनजागृती, इ. कार्यक्रमाये आयोजन करण्यात येणार असल्याचे डॉ. विक्रम काळे तालुका आरोग्य अधिकारी व डॉ.गजानन अकमार वैद्यकीय अधिक्षक ग्रा.रु.सासवड यांनी सांगीतले .पुरंदर तालुक्यातील गावांमध्ये व सासवड तसेच जेजुरी शहरामध्ये किटकजन्य आजाराचे सर्वेक्षण करण्यात येणार असून हिवताप, डेंग्यू, चिकुनगुनिया सारख्या किटकजन्य आजारांची लक्षणे व नागरिकांनी आपल्या घराजवळील परिसर स्वच्छ ठेवून निरुपयोगी टायर, नारळाच्या करवंटया, मोकळे डबे, बाटल्या इ. निरुपयोगी वस्तूंची विल्हेवाट लावावी. मच्दरदाणीचा वापर करावा, आपल्या घराजवळील डासउत्पत्ती स्थाने शोधून नष्ट करावीत व गटारे वाहती करावीत. पाणी साठणाऱ्या ठिकाणी रॉकेल, जळके ऑईल यांचा वापर करावा. आपल्या घरांच्या मोठया टाक्यांमध्ये गप्पी मासे सोडावेत ई. प्रतिबंधात्मक उपाययोजना राबविणेबाबत मा. डॉ.रामचंद्र हंकारे जिल्हा आरोग्य अधिकारी, व मा.डॉ.अपर्णा पाटील, जिल्हा हिवताप अधिकारी पुणे यांनी मार्गदर्शनपर सुचना निर्गमित केल्या आहेत. तसेच सासवड नगरपरिषदे मार्फत हिवताप, डेग्यू, चिकूनगुन्या या आजारांना प्रतिबंध करण्यासाठी नागरिकांनी आपल्या घराजवळील परिसर स्वच्छ ठेवून साचलेल्या पाण्याचा निचरा करणे, डासांची उत्पत्ती रोखणेसाठी जनतेने सहकार्य करावे असे मा.आनंदिकाकी जगताप नगराध्यक्ष, मा.राजनभैया जगताप सभापती (आरोग्य) तसेच इतर सर्व मा.सभापती / मा.नगरसेवक व मा.डॉ.कैलास चव्हाण मुख्याधिकारी सासवड न.प. यांनी आवाहन केले.