पुरंदर तालुक्यातील सासवड नगर परिषदेच्या मोबाईल ॲपचे अनावरण सासवड प्रतिनिधी: बापू मुळीक मुख्य संपादक पुरंदर प्राईम न्यूज : सासवड नगरपरिषद येथील नागरिकांच्या विविध समस्या अधिक प्रभावीपणे जलद गतीने आणि पारदर्शक पद्धतीने सोडवण्यासाठी विकसित करण्यात आलेल्या संपर्क कनेक्ट या विशेष मोबाईल ॲपचे अनावरण भाजपचे प्रदेश अध्यक्ष आमदार रवींद्र चव्हाण यांच्या हस्ते करण्यात आले, याप्रसंगी आमदार निरंजन डावखरे, राजेश पांडे, सासवड नगर परिषदेच्या नगराध्यक्ष आनंदी (काकी )जगताप, मुख्याधिकारी डॉ. कैलास चव्हाण, उपनगराध्यक्ष मनोहर (तात्या )जगताप, गटनेते अजित जगताप व नगरसेवक, नगरसेविका आधी उपस्थित होते. लोकाभिमुख प्रशासनाच्या दिशेने नगर परिषदेने टाकलेले हे एक अत्यंत महत्त्वाचे व डिजिटल पाऊल असल्याचे चव्हाण यांनी सांगितले. या ॲपमुळे सासवडमधील नागरिकांना आपल्या तक्रारी सूचना आणि समस्या थेट प्रशासनापर्यंत घरबसल्या पोहोचवता येतील ,त्यामुळे कामात गतिमानता येणार असल्याचेही माजी आमदार संजय जगताप यांनी सांगितले.