पुरंदर तालुक्यातील सासवड या ठिकाणी सुरक्षा यंत्रणाची रंगीत अशी तालीम ; तर सोपानदेव मंदिर परिसरामध्ये मॉक ड्रिल सासवड प्रतिनिधी: बापू मुळीक मुख्य संपादक पुरंदर प्राईम न्यूज: संतश्रेष्ठ श्री ज्ञानेश्वर महाराज पालखी सोहळ्याच्या पार्श्वभूमीवर सुरक्षा यंत्रणांची सज्जता तपासण्यासाठी सासवड येथील श्री सोपानदेव मंदिर परिसरात सासवड पोलीस स्टेशन, दहशतवाद विरोधी पथक (एटीएस), बॉम्ब शोधक व नाशक पथक (बीडीडीएस) पुणे ग्रामीण तसेच इतर आपत्कालीन यंत्रणांच्या संयुक्त विद्यमाने मॉक ड्रिलचे आयोजन करण्यात आले.या सरावादरम्यान मंदिर परिसरात तीन संशयित आरोपींनी स्फोटक सदृश्य वस्तू ठेवल्याची माहिती प्राप्त झाल्याचे गृहीत धरून कारवाई करण्यात आली. माहिती मिळताच सासवड पोलीस स्टेशनने दहशतवाद विरोधी पथकाला पाचारण केले. त्यानंतर कमांडो पथक, रायफलधारी पोलीस आणि अन्य सुरक्षा यंत्रणांनी मंदिर परिसरात प्रवेश करून संशयित आरोपींना ताब्यात घेतले.तसेच स्फोटक सदृश्य वस्तू असलेली बॅग सुरक्षित ठिकाणी हलवून बॉम्ब शोधक व नाशक पथकाने ती निष्क्रिय करण्याची प्रक्रिया यशस्वीपणे पार पाडली. त्यानंतर संशयित आरोपींना ताब्यात घेऊन पुढील कारवाई करण्यात आल्याचे प्रात्यक्षिक सादर करण्यात आले.पालखी सोहळ्यादरम्यान कोणतीही अनुचित किंवा अघटीत घटना घडू नये तसेच विविध सुरक्षा यंत्रणांमध्ये समन्वय राखून तात्काळ प्रतिसाद देण्याची क्षमता तपासण्यासाठी हा सराव आयोजित करण्यात आला होता.या मॉक ड्रिलमध्ये सासवड पोलीस स्टेशन, दहशतवाद विरोधी पथक (एटीएस), बॉम्ब डिटेक्शन अँड डिस्पोजल युनिट (बीडीडीएस),पुणे ग्रामीण सासवड नागरिषदेकडील अग्निशमन दल, ॲम्बुलन्स सेवा आणि इतर संबंधित यंत्रणांनी सहभाग नोंदविला.सरावावेळी सासवड पोलीस ठाणे कडील सपोनि वैभव सोनवणे, पोसई भिसे,एटीएस पथकाचे सहाय्यक पोलीस निरीक्षक पवार व त्यांचे पथक , बीडीडीएसचे सपोनि साळुंखे व त्याचे पथक सासवड पोलीस ठाण्याकडील २ अधिकारी १५ पोलीस अंमलदार, मुख्यालय येथील क्यू आर टी पथक सामील झाले होते. सदरचे मॉकड्रील चे आयोजन भोर पोलीस उपविभागीय पोलीस अधिकारी राजेंद्रसिंह गौर व सासवड पोलीस ठाण्याचे पोलीस निरीक्षक कुमार कदम यांचे मार्गदर्शनाखाली आयोजित करण्यात आले होते.