पोलीस पाटलांच्या सहकार्याने महिनाभराचा तपास एका दिवसात पूर्ण होऊ शकतो : माजी आमदार अशोक टेकवडेपुरंदर तालुका पोलीस पाटील संघाच्या नूतन कार्यकारिणीचा पदग्रहण सोहळा उत्साहात सासवड प्रतिनिधी:बापू मुळीक मुख्य संपादक पुरंदर प्राईम न्यूज: गावपातळीवरील कायदा व सुव्यवस्था राखण्यात पोलीस पाटील हा अत्यंत महत्त्वाचा दुवा असून, पोलीस पाटलांनी पोलिसांना तपासकामात प्रभावी सहकार्य केल्यास महिनाभर चालणारा तपासदेखील एका दिवसात पूर्ण होऊ शकतो, असे प्रतिपादन पुरंदरचे माजी आमदार अशोक टेकवडे यांनी केले.पुरंदर तालुका पोलीस पाटील संघाच्या नूतन कार्यकारिणीच्या पदग्रहण सोहळ्यात ते बोलत होते. हा कार्यक्रम शुक्रवारी सासवड येथे उत्साहात पार पडला. यावेळी राज्याध्यक्ष बाळासाहेब शिंदे पाटील यांनी नव्या कार्यकारिणीला मान्यता देत पदाधिकाऱ्यांना सनद प्रदान केली.यावेळी बोलताना अशोक टेकवडे म्हणाले की, पोलीस पाटील हा गावपातळीवरील शासनाचा डोळा आणि कान आहे. गावातील प्रत्येक घडामोडींची माहिती त्यांच्याकडे असते. त्यामुळे कायदा व सुव्यवस्था अबाधित राखण्यासाठी पोलीस प्रशासनाला त्यांचे सहकार्य अत्यंत महत्त्वाचे ठरते.कार्यक्रमात संघाच्या अध्यक्षपदी आमोल लोळे पाटील यांची निवड जाहीर करण्यात आली. तसेच राहुल शिंदे पाटील व तानाजी काकडे पाटील यांची उपाध्यक्षपदी निवड करण्यात आली. मावळते अध्यक्ष मोहन इंगळे पाटील यांची पुणे जिल्हा उपाध्यक्षपदी निवड झाल्याबद्दल त्यांनाही सनद प्रदान करण्यात आली.यावेळी माजी आमदार संजय जगताप यांनी नूतन कार्यकारिणीचे अभिनंदन करत पुढील वाटचालीस शुभेच्छा दिल्या. पोलीस पाटलांच्या विविध समस्या सोडविण्यासाठी आपण नेहमीच सहकार्य करू, अशी ग्वाही त्यांनी दिली. पुरंदर तालुक्यातील पोलीस पाटील गावपातळीवर उल्लेखनीय काम करत असल्याचे सांगत त्यांनी त्यांच्या कार्याचे कौतुक केले.पोलीस पाटील संघाचे राज्याध्यक्ष बाळासाहेब शिंदे पाटील यांनीही उपस्थितांना मार्गदर्शन केले. पोलीस पाटील हा पोलीस, महसूल आणि शासनाच्या विविध विभागांमधील समन्वयक म्हणून काम करतो. गावातील सर्वसामान्य नागरिकांवर अन्याय होणार नाही याची दक्षता घ्या, चुकीच्या व्यक्तीला चुकीचे म्हणण्याचे धाडस ठेवा आणि कोणत्याही दबावाला बळी पडू नका, असा सल्ला त्यांनी पोलीस पाटलांना दिला.नवीन कार्यकारिणी पुढीलप्रमाणे :अध्यक्ष – आमोल लोळे पाटील,उपाध्यक्ष – राहुल शिंदे पाटील, तानाजी काकडे पाटील,कार्याध्यक्ष – मनोहर पायगुडे पाटील, रूपाली बोरकर पाटील,सचिव – विजय पोमण पाटील,कार्यकारी अध्यक्ष – पूजा यादव पाटील, सचिन होले पाटील,खजिनदार – दीपक जाधव पाटील, सारिका खवले पाटील,संघटक – रूपाली कुंभारकर पाटील, गोपीनाथ मुळीक पाटील, रूपाली सोनवणे पाटील.या कार्यक्रमास माजी आमदार संजय जगताप, साहाय्यक पोलिस निरीक्षक वैभव सोनवणे, जि. प. सदस्य हरिभाऊ लोळे, अजय इंगळे, सभापती अमित झेंडे, उपसभापती प्रवीण जगताप, स्मिता निगडे, नायब तहसीलदार संदीप पाटील पोलीस पाटील संघटनेचे दादा काळभोर पाटील,गोरखनाथ नवले पाटील, रोहिणी ताई हांडे पाटील, विनायकराव गायकवाड पाटील, विजयराव कुंजीर पाटील, उमेश तळेकर पाटील,कैलास जाधव पाटील, सारिका झेंडे पाटील यांच्यासह राज्यभरातील पदाधिकारी आणि मोठ्या संख्येने पोलीस पाटील उपस्थित होते.