आंतरराष्ट्रीय योग दिन उत्साहात साजरा सासवड प्रतिनिधी:बापू मुळीक मुख्य संपादक पुरंदर प्राईम न्यूज: सासवड येथील एम. ई. एस. इंग्लिश मिडीयम स्कूल, सासवड येथे आंतरराष्ट्रीय योग दिन उत्साहात साजरा करण्यात आला. कार्यक्रमाची सुरुवात दीपप्रज्वलन व योग दिनाच्या महत्त्वाविषयी माहिती देऊन करण्यात आली.या प्रसंगी विद्यार्थ्यांनी व शिक्षकांनी विविध योगासने, प्राणायाम आणि ध्यानाचा सराव केला. योगामुळे शारीरिक, मानसिक व बौद्धिक विकास होतो तसेच निरोगी जीवनशैली अंगीकारण्यास मदत होते, असे मार्गदर्शन करण्यात आले.शाळेच्या मुख्याध्यापिका सरोज जांगडा यांनी योगाचे महत्त्व सांगून विद्यार्थ्यांना नियमित योगाभ्यास करण्याचे आवाहन केले तर ज्येष्ठ शिक्षक भाऊसाहेब येळे यांनी योगसाधना व त्याचा इतिहास सांगितला.सर्व विद्यार्थ्यांनी उत्स्फूर्त सहभाग नोंदवून योग दिनाचा आनंद घेतला.कार्यक्रमाचे यशस्वी आयोजन क्रीडा शिक्षक नितीन ठोंबरे व इयत्ता नववीच्या विद्यार्थ्यांनी केले होते.तसेच सर्व शिक्षक व शिक्षकेतर कर्मचाऱ्यांनी विशेष परिश्रम घेतले. या उपक्रमामुळे विद्यार्थ्यांमध्ये आरोग्याविषयी जागरूकता निर्माण झाली.