एमएसबीटीई उन्हाळी २०२६ परीक्षेत साबळे कॉलेज ऑफ फार्मसीच्या विद्यार्थ्यांचे घवघवीत यश सासवड प्रतिनिधी : बापू मुळीक मुख्य संपादक पुरंदर प्राईम न्यूज: सासवड येथील पुणे जिल्हा शिक्षण मंडळाच्या शेठ गोविंद रघुनाथ साबळे कॉलेज ऑफ फार्मसी (पॉलिटेक्निक व डिग्री), सासवड येथील विद्यार्थ्यांनी एमएसबीटीई उन्हाळी २०२६ परीक्षेत उल्लेखनीय यश संपादन करून महाविद्यालयाच्या शैक्षणिक गुणवत्तेची परंपरा कायम राखली आहे. या परीक्षेत द्वितीय वर्ष डी.फार्मचा निकाल शंभर टक्के लागला असून, विद्यार्थ्यांनी गुणवत्तायादीतही आपला ठसा उमटविला आहे.प्रथम वर्ष डी.फार्म (डिग्री) विभागामध्ये सलोनी हनुमंत निंबाळकर हिने ८४.५० टक्के गुणांसह प्रथम क्रमांक पटकाविला. प्रीती त्र्यंबक जप्ताप हिने ८१.१० टक्के गुणांसह द्वितीय, तर संजना देवदास साबळे हिने ७९.५० टक्के गुणांसह तृतीय क्रमांक मिळविला.द्वितीय वर्ष डी.फार्म (डिग्री) विभागातून वंदना बाळासाहेब गरुड हिने ८७.३६ टक्के गुणांसह प्रथम क्रमांक मिळविला. दिशा विजय कुंभारकर हिने ८५.२७ टक्के गुणांसह द्वितीय, तर ईशा विजय कुंभारकर हिने ८४.८२ टक्के गुणांसह तृतीय क्रमांक प्राप्त केला.महाविद्यालयाच्या पॉलिटेक्निक विभागातील विद्यार्थ्यांनीही उल्लेखनीय कामगिरी नोंदविली. प्रथम वर्ष डी.फार्ममध्ये श्रेया संतोष पोमण (८५.१०%), वैष्णवी वैभव कुंभार (८२.५०%) आणि श्रुतिका सोमनाथ वाचकल (८१.५०%) यांनी अनुक्रमे प्रथम, द्वितीय व तृतीय क्रमांक मिळविला. द्वितीय वर्ष डी.फार्ममध्ये प्रांजल शेखर कांबळे (८५.३६%), मानसी नंदकुमार कुंजीर (८५.००%) आणि मानसी बाबू धुमाळ (८४.१८%) यांनी अनुक्रमे प्रथम, द्वितीय व तृतीय क्रमांक प्राप्त केला.विद्यार्थ्यांच्या या उल्लेखनीय यशाबद्दल संस्थेचे पदाधिकारी, प्राचार्या डॉ. राजश्री चव्हाण, उपप्राचार्या डॉ. स्मिता पवार, पॉलिटेक्निक विभागाच्या प्राचार्या विशाखा गायकवाड तसेच सर्व प्राध्यापक व शिक्षकेतर कर्मचाऱ्यांनी विद्यार्थ्यांचे अभिनंदन करून त्यांच्या उज्ज्वल भवितव्यासाठी शुभेच्छा दिल्या. विद्यार्थ्यांनी कठोर परिश्रम, शिस्तबद्ध अभ्यास आणि सातत्यपूर्ण प्रयत्नांच्या बळावर हे यश संपादन केल्याचे त्यांनी नमूद केले. महाविद्यालयाच्या गुणवत्तापूर्ण शिक्षणपद्धतीचे आणि विद्यार्थ्यांच्या जिद्दीचे हे यश प्रतीक असल्याची भावना यावेळी व्यक्त करण्यात आली.