सोमवती अमास्येनिमित्त श्रीक्षेत्र वीर मंदिरात भाविकांची अलोट गर्दी सासवड प्रतिनिधी: बापू मुळीक मुख्य संपादक पुरंदर प्राईम न्यूज : श्रीक्षेत्र वीर येथे आज सोमवार रोजी सोमवती अमावास्येनिमित्त श्रीनाथ म्हस्कोबा मंदिरात भाविकांनी दर्शनासाठी गर्दी केली होती. पहाटे ४.३० वाजता पूजा होऊन मुख्य गाभारा बंद करण्यात आला. त्यानंतर सकाळी ६ वाजता मुख्य गाभारा दर्शनासाठी खुला करण्यात आला. सकाळपासून देवस्थान ट्रस्ट व भाविकांतर्फे देवाला अभिषेक करण्यात आले. सकाळी १० वाजता देवाला भाविकांच्या दहीभाताच्या पूजा बांधण्यात आल्या. देऊळवाड्यात दगडी कासवावर सालकरी गोसावी मंडळींचा पारंपारिक गोंधळाचा कार्यक्रम दिवसभर सुरु होता. सकाळी ११.३० वाजता धुपारती होऊन श्रीनाथांची पालखी छत्री, अब्दागिरी, ढोल, चवरी सोबत सर्व दागीनदार, सालकरी, भाविक भक्त, ग्रामस्थ यांच्या लवाजम्याजाहीत श्री क्षेत्र घोडेउड्डाण येथे नीरा स्नानासाठी गेली. पालखी मार्गावर देवस्थान मार्फत पिण्याचे पाणी, रस्त्यावर पाणी मारून उनाची दाहकता कमी करणेकामी पाणी टॅंकर सुविधा उपलब्ध करून देण्यात आली होती. दुपारी विधिवत नीरास्नान होऊन श्रीनाथांची पालखी नेमहीप्रमाणे सायंकाळी देऊळवाड्यात झाली. महाप्रसादाचे आयोजन प्रभाकर मोरे , तात्या बुरुंगले, राउत, वाघमोडे, सुनील धुमाळ, संकेत जगताप यांचे मार्फत करण्यात आले होते. देवस्थान ट्रस्टमार्फत भाविकांसाठी स्वच्छ पिण्याचे पाणी, लाईट व जनरेटर, दर्शनबारी, वाहनतळ व्यवस्था, परिसर स्वच्छता, जादा कर्मचारी, स्वयंसेवक, ट्रॅफिक पोलिस, इ. चे आयोजन करण्यात आल्याचे ट्रस्टचे मुख्य विश्वस्त मोहन रावसो धुमाळ यांनी सांगितले. यावेळी विश्वस्तमंडळ, सहकारी, सल्लागार मंडळ मंदिरात उपस्थित होते.