पुरंदर तालुक्यातील सासवड ते बांदलवाडी रस्त्यावरून दुचाकी चोरीस सासवड प्रतिनिधी: बापू मुळीक मुख्य संपादक पुरंदर प्राईम न्यूज: सासवड ते बांदलवाडी रस्त्याच्या कडेला उभी करण्यात आलेली दुचाकी चोरून नेल्याची घटना घडली असून, याप्रकरणी सासवड पोलीस ठाण्यामध्ये अज्ञात चोरट्याविरुद्ध गुन्हा दाखल करण्यात आलेला आहे, पोलिसांनी दिलेल्या माहितीनुसार फिर्यादी चंद्रकांत शंकर डिंबळे राहणार गराडे ता. पुरंदर यांची सोमवारी दि. ८ जून रोजी दुपारी तीन च्या सुमारास बांदलवाडी येथील क्रांती पेंट कंपनीकडून जात होते सासवड ते बादलवाडी रस्त्यावर ते लघुशंकेसाठी थांबले असता त्यांनी आपली हिरो होंडा कंपनीची सीडी डीलक्स गाडी एम एच बारा जीबी 8022 रस्त्याच्या कडेला लावली होती, या दरम्यान काही वेळा मध्ये अज्ञात चोरट्याने ही दुचाकी चोरून नेली त्यासंदर्भात सासवड पोलीस स्टेशन येथे दुचाकी गाडी चोरून नेल्या संदर्भात गुन्हा दाखल केलेला आहे. पुढील तपास सासवड पोलीस स्टेशनचे वरिष्ठ पोलीस निरीक्षक संतोष घोळवे यांच्या अधिपत्याखाली पोलीस हवालदार विनोद हाके हे पुढील तपास करीत आहेत.