पुरंदर तालुक्यातील सासवड या ठिकाणच्या वाघ डोंगर परिसरामध्ये बिबट्याचा वावर तर सासवड मधील सामान्य नागरिकामध्ये भीतीचे असे वातावरण सासवड प्रतिनिधी: बापू मुळीक मुख्य संपादक पुरंदर प्राईम न्यूज: सासवड शहरालगतच्याच वाघ डोंगर परिसरामध्ये सोमवारी दि.8 रोजी सायंकाळी सहा वाजण्याच्या सुमारांमध्ये बिबट्याचे प्रत्यक्ष असे दर्शन झाल्याची घटना घडली असून, या घटनेमुळे सामान्य नागरिक शेतकरी तसेच सकाळ - सायंकाळ व्यायाम व फिरण्यासाठी जाणाऱ्या नागरिकांमध्ये एक प्रकारची चिंतेचे वातावरण निर्माण झाले असून, वन विभागाने यासंदर्भात तातडीने आवश्यक अशा उपायोजना करण्यासाठी सामान्य नागरिकाकडून मागणी होत आहे .हा बिबट्या चांबळी, बोपगाव, दिवे घाट या परिसरामध्ये फिरत असून, त्यामुळे नागरिकांना विशेष सतर्कता बाळगावी असे आवाहन एक प्रकारे वनपरिक्षेत्र अधिकारी सागर ढोले यांनी केलेले आहे. वन प्राण्यांचे दर्शन झाल्यास अथवा संशयास्पद हालचाली दिसून आल्यास ,वन विभागाशी संपर्क साधावा असे ढोले यांनी सुद्धा सांगितलेले आहे. वन विभागाकडून परिसरावर लक्ष ठेवण्यात येत असून, नागरिकांनी अफवावर विश्वास न ठेवता प्रशासनाला सहकार्य करावे असेही आवाहन ढोले यांनी केलेले आहे.