पुरंदर तालुक्यामधील भेसळयुक्त असा आमरस जप्त सासवड प्रतिनिधी: बापू मुळीक मुख्य संपादक पुरंदर प्राईम न्यूज : राज्यांमधील भेसळखोरांचे प्रमाण दिवसोदिवस वाढत असल्याकारणाने, भेसळयुक्त पनीर, खवा, खाद्यतेल आणि बनावट औषधानंतर आता आंबा पल्प आमरस आणि पेढे मधूनही नागरिकांच्या जीवाशी खेळ सुरू असल्याचे, उघडकीस आलेले आहे, अन्न व औषध प्रशासनाच्या एफडीए कारवाईत पुणे जिल्ह्यात भेसळुक्त अंबा पल आणि आमरसाचा मोठा साठा जप्त करण्यात आला आहे. वडगावशेरी परिसरामधील पेढे खाल्ल्यानंतर नागरिकांना विषबाधा झाल्याची घटना सुद्धा गंभीर घडलेली असून, याप्रकरणी एफडीए संबंधित विक्रेत्याचा परवाना निलंबित_ केलेला आहे ,एएफडी ए प्रशासनाने पुरंदर तालुक्यातील सोनोरी येथील एम. एस .नेचर सिप फूड्स आंबा प्रक्रिया उद्योगावर छापा टाकत तपासणी केली असता ,त्यामध्ये पाच हजार 700 किलो सढलेले आणि कमी प्रतीचे आंबे आढळून आले ,या एफडीएने हा साठा नष्ट करण्यात आला असून, संशयित भेसळयुक्त 2431 किलो आंबा पल्प ही जप्त करण्यात आला आहे. तपासणीत गंभीर अशा त्रुटी आढळून आल्याने, एफडीएने संबंधित उत्पादकांचा परवाना निलंबित केला आहे. तसेच बोपगाव येथील आणखी एका आस्थापनामध्ये तपासणी दरम्यान 728 किलो पॅक बंद आणि सुटा हापूस आमरस जप्त करण्यात आला आहे. याबरोबरच वडगाव शेरी परिसरामधील पेढे खाल्ल्यानंतर विषबाधा झाल्याची माहिती मिळाल्यानंतर, एफडीएने संबंधित मिठाई विक्रेतेच्या दुकानाची तपासणी केली, पेढ्यांचे नमुने तपासणी साठी घेण्यात आले आहेत, या प्रकरणी 'मे गुरूनानक डेअरी अँड स्वीट्स' चा परवाना निलंबित केला असून, उत्पादकाला व्यवसाय बंद करण्याचे आदेश सुद्धा देण्यात आलेले आहेत.अशी माहिती प्रतिनिधीला मिळाली आहे.