पुरंदर तालुक्यातील खळद या ठिकाणी महावितरण ची वीज वाहक तार चोरीला सासवड प्रतिनिधी: बापू मुळीक मुख्य संपादक पुरंदर प्राईम न्यूज: पुरंदर तालुक्यातील खळद गावच्या हद्दीमधील महावितरण कंपनीच्या खांबावरून अज्ञात चोरट्याने 57 हजार रुपये किमतीचा वीज वाहक अल्युमिनियम तार कट करून चोरून नेल्याची घटना घडली असून, याप्रकरणी महावितरणचे प्रधान तंत्रज्ञ गणेश पांडुरंग आवाळे यांनी सासवड पोलीस ठाण्यामध्ये फिर्याद दिली असून, अज्ञात चोराविरुद्ध गुन्हा दाखल केलेला आहे. खळद येथील बाबदेव मळा भागातील शेतात महावितरणची वीज वाहिनी आहे 14 एप्रिलच्या रात्री अज्ञात चोरट्याने महावितरण कंपनीची अंदाजे सातशे मीटर लांबीची ॲल्युमिनियमची तार खांबावरून कट करून चोरून नेली आहे. पुढील तपास सासवड पोलीस स्टेशनचे वरिष्ठ पोलीस निरीक्षक कुमार कदम यांच्या अधिपत्याखाली पोलीस हवालदार दत्ता शेगर हे पुढील तपास करीत आहेत.