जिल्हा मध्यवर्ती बँकेच्या सभासद शेतकऱ्यांना मिळणार 2102 कोटीची कर्जमाफी ; एकूण तीन लाख 15 हजार 569 शेतकऱ्यांना कर्जमाफीचा लाभ अपेक्षित जिल्हा बँकेचे अध्यक्ष प्रा. डॉ. दिगंबर दुर्गाडे यांची माहिती सासवड प्रतिनिधी: बापू मुळीक मुख्य संपादक पुरंदर प्राईम न्यूज : राज्य सरकारच्या पुण्यश्लोक अहिल्यादेवी होळकर शेतकरी कर्जमुक्ती योजना 2026 अंतर्गत पुणे जिल्हा मध्यवर्ती सहकारी बँकेतील एकूण तीन लाख 15 हजार 569 शेतकऱ्यांना लाभ मिळण्याची अपेक्षा असून ,तर कर्जमाफीच्या माध्यमातून जिल्हा बँकेच्या शेतकरी सभासदांना सुमारे दोन हजार 102 कोटी 91 लाख रुपयांची रक्कम मिळेल अशी माहिती जिल्हा बँकेचे अध्यक्ष प्रा. डॉ.दिगंबर दुर्गाडे यांनी दिली. या योजनेनुसार रुपये दोन लाखापर्यंत थकीत पीक कर्जामध्ये 83 हजार 376 शेतकऱ्यांना 749. 14 कोटी रुपये दोन लाखा पुढील थकीत पीक कर्ज योजनेमध्ये एक वेळ समझोता योजना ओटीएस 21 हजार 299 शेतकऱ्यांना 425.98 कोटी रुपये प्रोत्साहन पर लाभ योजनेत दोन लाख दहा हजार 894 शेतकऱ्यांना 927.79 कोटी रुपये मिळून एकूण 2102 कोटी 91 लाख मिळण्याची अपेक्षा आहे. शेतकऱ्यांच्या कर्जाची माहिती शासनाच्या पोर्टलवर अपलोड झाल्यानंतर शासनाद्वारे अपात्रतेचे निकष लावले जाणार आहेत, त्यानंतरच पात्र सभासद यादी तयार होणार असल्याने, बँकेने दिलेल्या माहिती मधील पात्र लाभार्थी संख्या व लाभाची रक्कम कमी होणार आहे किंवा बदलणार असल्याचेही प्रा. डॉ. दिगंबर दुर्गाडे यांनी सांगितले आहे. बँकेच्या लेखनिकांच्या 356 पद भरतीसाठी मुलाखती सुरू बँकेने एमकेसीएल मार्फत राबविलेल्या लेखनिकांच्या भरती प्रक्रियेत मुलाखतीस 1071 उमेदवार पात्र ठरलेले असून, त्यातून 356 लेखनिकांची पदभरती होणार आहे. त्यांच्या मुलाखती यशवंतराव चव्हाण विकास प्रशासन प्रबोधिनी यशदा येथे 12 व 13 जून आणि 15 जून रोजी होत असल्याचेही प्रा. डॉ. दिगंबर दुर्गाडे यांनी सांगितले आहे.