पुरंदर तालुक्यातील बोपगाव येथे गुटखा साठ्यावर छापा 21 लाख 70 हजाराचा माल जप्त सासवड प्रतिनिधी: बापू मुळीक मुख्य संपादक पुरंदर प्राईम न्यूज: सासवड पोलीस ठाण्याच्या पथकामधील पुरंदर तालुक्यातील बोपगाव येथे मोठी कारवाई करण्यात राज्यात प्रतिबंधित असलेल्या गुटखा पान मसाला व सुगंधी तंबाखूचा तब्बल 21 लाख 70 हजार 960 रुपयाचा साठा हा जप्त करण्यात आला असून, याप्रकरणी एका संशयताविरुद्ध गुन्हा दाखल करण्यात आला आहे .गुरुवारी दि.25 रोजी दुपारी 1:25 वाजण्याच्या सुमारामध्ये पोलीस निरीक्षक संतोष घोळवे यांना गोपनीय बातमीदारामारामार्फत माहिती मिळाली की, बोपगाव ता. पुरंदर येथील कानिफनाथ गडाकडे जाणाऱ्या रस्त्यावरील एका गोडाऊन मध्ये गुटखा, पान मसाला व सुगंधी तंबाखूचा मोठा साठा ठेवण्यात आला आहे, माहितीची खातरजमा करून वरिष्ठांच्या आदेशानुसार पोलीस उपनिरीक्षक अर्चना पाटील यांच्या नेतृत्वाखाली विशेष अशा पथकाने तात्काळ संबंधित ठिकाणी छापा टाकला, गोडाऊनची झडती घेतली असता, तेथे विविध ब्रँडचा मोठ्या प्रमाणामध्ये साठा आढळून आला ,या कारवाई मध्ये पोलिसांनी 21 लाख 70 हजार 960 रुपयाचा माल जप्त केला असून, याप्रकरणी पोलीस जवान प्रणया राजेंद्र मखरे यांनी दिलेल्या फिर्यादीवरून सिराज शेख राहणार शितल पेट्रोल पंपा शेजारी कोंढवा खुर्द पुणे यांच्याविरुद्ध सासवड पोलीस ठाण्यामध्ये गुन्हा दाखल करण्यात आला आहे.सदरची कारवाई संदीप सिंह गिल, पोलीस अधीक्षक पुणे ग्रामीण ,गणेश बिराजदार अप्पर पोलीस अधीक्षक बारामती, राजेंद्र सिंह गौर उपविभागीय पोलीस अधिकारी भोर विभाग सासवड यांच्या मार्गदर्शनाखाली पोलीस निरीक्षक संतोष घोळवे, पोलीस उपनिरीक्षक अर्चना पाटील, पोलीस हवालदार विशाल जाधव, पोलीस हवालदार अभिजीत कांबळे, पोलीस शिपाई प्रणय मखरे, पोलीस शिपाई सचिन किवळे, पोलीस शिपाई अक्षय चिल्ले, पोलीस शिपाई पल्लवी काळे यांच्या पथकाने ही कारवाई केली आहे.