पुरंदर तालुक्यामध्ये वाटाणा पिकाच्या तंत्रज्ञानाबाबत शेतकऱ्यांना मार्गदर्शन सासवड प्रतिनिधी: बापू मुळीक मुख्य संपादक पुरंदर प्राईम न्यूज: बोपगाव ता. पुरंदर येथील आयोजित केलेल्या वाटाणा पीक प्रशिक्षणामध्ये शेतकऱ्यांना आधुनिक तंत्रज्ञाची माहिती देण्यात आली असून, आगामी खरीप हंगाम 2026 च्या पार्श्वभूमी मध्ये महाराष्ट्र शासनाच्या कृषी विभागामार्फत हा उपक्रम राबविण्यात आला आहे. यावेळी बदलत्या हवामानाचा शेतीवरील परिणाम एल निनोची स्थिती खरिपाची नियोजन तसेच खते व बियाणांच्या उपलब्धतेचे बाबत माहिती देण्यात आली, यावेळी पुरंदर तालुक्यामधील आवश्यक खते व बियाण्याच्या मुबलक साठा उपलब्ध असल्याचेही स्पष्ट करण्यात आले असून, महाडीबीटी पोर्टल वरील विविध प्रशासकीय योजनांचा लाभ घेण्याचे शेतकऱ्यांना आव्हान करण्यात आले. तालुका कृषी अधिकारी श्रीधर चव्हाण, स्मार्ट प्रकल्पाचे नोडल अधिकारी अंकुश बरडे, सहाय्यक कृषी अधिकारी विजय जाधव यांनी विविध विषयावरती मार्गदर्शन केले .या सहाय्यक कृषी अधिकारी अतुल हिंगणे, कोंडीबा जरांडे, ऐश्वर्या मिंड, पाणी फाउंडेशनचे मयूर साळुंखे, राखी ढगारे ग्रामपंचायत पदाधिकारी ,महिला बचत गट सदस्य, लोकप्रतिनिधी शेतकरी आधी उपस्थित होते.