पुरंदर तालुक्यातील सासवड या ठिकाणी मटका व जुगारावर पोलिसांचा छापा ; तर दोघावर गुन्हा दाखल सासवड प्रतिनिधी : बापू मुळीक मुख्य संपादक पुरंदर प्राईम न्यूज: सासवड शहरांमधील श्रीनाथ बारच्या पाठीमागील बाजू मधील बोळीत सुरू असलेल्या कथित कल्याण स्टार मटका जुगार अड्ड्यावर सासवड पोलीसांनी छापा टाकून कारवाई करण्यात आलेली आहे. या कारवाई मध्ये रोख रक्कम व जुगार साहित्य अशा एकूण चार हजार आठशे रुपयांचा मुद्देमाल जप्त करण्यात आला असून, दोघाविरुद्ध गुन्हा दाखल करण्यात आलेला आहे. सागर शामराव जगताप राहणार कोडीत नाका सासवड आणि ज्ञानेश्वर दत्तात्रय भांडवलकर राहणार खंडोबा नगर सासवड अशी गुन्हा दाखल करण्यात आलेल्याची दोघांची नावे आहेत. जगताप व भांडवलकर हे दोघेही भागीदारीतून मटका जुगार चालवत असून, त्याची माहिती पोलिसांना मिळाली होती ,त्यानुसार शनिवारी दि. 13 रोजी सायंकाळी पाच वाजून पन्नास मिनिटांनी संबंधित ठिकाणी छापा टाकण्यात आला आहे. कारवाई दरम्यान दोघेही मटक्याची आकडे स्वीकारून पैशाची देवान घेऊन करत असल्याची आढळून आले, पोलिसांनी घटनास्थळावरून 4800 रुपये रोख, आकडे लिहिलेल्या दोन वह्या, बेल असा मुद्देमाल जप्त केलेला आहे, तर त्या संदर्भात सासवड पोलीस स्टेशनचे शिपाई सचिन किवळे यांनी यासंदर्भात फिर्याद दिलेली आहे. पुढील तपास सासवड पोलीस स्टेशनचे वरिष्ठ पोलीस निरीक्षक संतोष घोळवे यांच्या अधिपत्याखाली पोलीस उपनिरीक्षक जाधव हे पुढील तपास करीत आहेत.