पुरंदर तालुक्यातील आगामी ग्रामपंचायतच्या सार्वत्रिक निवडणुकांच्या पाश्र्वभूमीवर 12 जून रोजी आरक्षणाची सोडत ; तर प्रचंड राजकीय हालचालींना वेग सासवड प्रतिनिधी: बापू मुळीक मुख्य संपादक पुरंदर प्राईम न्यूज: पुरंदर तालुक्यातील आगामी ग्रामपंचायत सार्वत्रिक निवडणुकांच्या पार्श्वभूमीवर राजकीय हालचालींना प्रचंड वेग आला असून ,पुरंदर तालुक्यातील 76 ग्रामपंचायतीच्या वार्डस, रचना आणि आरक्षण सोडतीचा अधिकृत कार्यक्रम जाहीर करण्यात आलेला आहे ,तो कार्यक्रम 12 जून 2026 रोजी सर्व गावांमध्ये एकाच दिवशी विशेष ग्रामसभांचे आयोजन करण्यात येणार आहे. राज्य निवडणूक आयोगाच्या आदेशानुसार तहसीलदार विक्रम राजपूत यांनी हे परिपत्रक जारी केले असून, आरक्षण निश्चितीसाठीची प्रक्रिया पारदर्शक पद्धतीने पार पडणार असल्याचे, प्रशासनाकडून स्पष्ट करण्यात आले आहे, आठ जून पर्यंत सर्व ग्रामपंचायतमध्ये दवंडी, नोटीस बोर्डावर सूचना आणि जनजागृतीची कार्यवाही पूर्ण करून अहवाल तहसील कार्यालयात सादर करण्यात आला आहे. १२ जून रोजी सकाळी 11 वाजता पहिल्या सत्रामध्ये दिवे, परींचे, बोपगाव, बेलसर,पिंपरे खुर्द,मांढर, खानवडी यासह 38 गावांमध्ये आरक्षण सोडत काढण्यात येणार आहे ,तर दुपारी तीन वाजता दुसऱ्या सत्रात चांबळी, कुंभारवळण, खळद, पिसुर्डी, गराडे, सोनोरी, घेरा पुरंदर,दौडज, यास उर्वरित 38 गावांमध्ये सोडत प्रक्रिया पार पडेल ही संपूर्ण प्रक्रिया संबंधित ग्रामपंचायत कार्यालयात सरकारी अधिकाऱ्यांच्या उपस्थितीत पार पडणार आहे, लहान मुलांच्या हस्ते चिटटया काढून आरक्षण निश्चित केले जाणार असल्याने ,या प्रक्रियेला विशेष असे पारदर्शकता देण्यात आलेली आहे. आरक्षण निश्चिती नंतर अनुसूचित जाती ,जमाती, इतर मागास प्रवर्ग आणि महिलासाठी जागा निश्चित होणार असून, त्यानुसारच उमेदवारांचे राजकीय भवितव्य ठरणार असल्याचे सांगण्यात आले आहे, अशी माहिती तहसीलदार विक्रम राजपूत यांनी ही सर्व सविस्तर माहिती प्रतिनिधीला दिली.