पाठपुराव्याला यश!सासवड-जेजुरी रस्ता भूसंपादनाचा मार्ग अखेर मोकळा! सासवड प्रतिनिधी: बापू मुळीक मुख्य संपादक पुरंदर प्राईम न्यूज: हडपसर-सासवड-जेजुरी-नीरा राष्ट्रीय महामार्ग (NH-965) अंतर्गत 'सासवड वीर फाटा ते बोरावके मळा' या टप्प्यातील रखडलेल्या कामासाठी केलेल्या प्रामाणिक आणि सातत्यपूर्ण प्रयत्नांना अखेर प्रशासकीय पातळीवर मोठे यश आले आहे.सन २०१३ पासून भूसंपादनाच्या रखडलेल्या प्रक्रियेमुळे आणि भरपाई न मिळाल्यामुळे स्थानिक शेतकरी आणि प्रवाशांना प्रचंड त्रास सहन करावा लागत होता. या गंभीर समस्येची दखल घेत केंद्रीय रस्ते वाहतूक व महामार्ग मंत्री मा.ना.नितीन गडकरी, मुख्यमंत्री मा.ना.देवेंद्र फडणवीस, मार्गदर्शक महसूल मंत्री मा.ना.चंद्रशेखर बावनकुळे तसेच सार्वजनिक बांधकाम विभागाचे मंत्री मा.ना.छत्रपती शिवेंद्रसिंहराजे भोसले यांच्याकडे तातडीने हस्तक्षेप करण्याची विनंती केली होती.या मागणीची तात्काळ दखल घेण्यात आली असून, सार्वजनिक बांधकाम विभागाने (PWD) पुणे जिल्हाधिकाऱ्यांना अधिकृत पत्र सादर केले आहे. या अंतर्गत रस्ता रुंदीकरणासाठी जमीन मोजणी व भूसंपादन प्रक्रियेवर नियंत्रण ठेवण्यासाठी आणि ती गतीने पूर्ण करण्यासाठी विशेष भूसंपादन अधिकारी (SLO) यांची नेमणूक करण्याचे आदेश देण्यात आले आहेत. यामुळे आता तांत्रिक अडचणी दूर होऊन कामाला वेग येईल.सामान्य नागरिक आणि शेतकऱ्यांच्या प्रश्नांना नेहमीच न्याय देणारे, देशाचे कार्यक्षम केंद्रीय मंत्री नितीन गडकरी यांचे विशेष आभार. आपल्या खंबीर पाठबळामुळे आणि तत्परतेमुळेच वर्षानुवर्षे रखडलेला हा प्रश्न आता कायमचा मार्गी लागत आहे!यावेळी आळंदी देवस्थानचे मुख्य विश्वस्त निरंजननाथ महाराज, भाजपा पुणे दक्षिणचे जिल्हाध्यक्ष शेखर वढणे, पुणे जिल्हा नियोजन समितीचे माजी सदस्य गिरीश जगताप, भाजपा सासवड शहराध्यक्ष आनंद जगताप, भाजपा सासवड शहर उपाध्यक्ष उदयराज जगताप, सचिन राऊत यांनी विशेष प्रयत्न केले.तसेच बाधित शेतकरी ज्ञानेश्वर संताजी जगताप, दामोदर रामभाऊ जगताप, शत्रुघ्न पंढरीनाथ जगताप, ऋषिकेश जयवंत जगताप, प्रमोद मधुकर बोरावके, सूर्यकांत रामचंद्र गिरमे, अनिल मारुती गिरमे, अरुण सुभानराव जगताप, राजेंद्र दत्तात्रय बोरावके, कुमार मारुती जगताप, संतोष सुधाकर गिरमे, प्रदीप काशिनाथ राऊत, बाळासाहेब गेनवा बोरवके यांनीही प्रयत्न केले.