आर्या मोरेश्वर भोसले हिची GSPI मध्ये निवड सासवड प्रतिनिधी:बापू मुळीक मुख्य संपादक पुरंदर प्राईम न्यूज: पुरंदर तालुक्यातील माहूर येथील रहिवासी असलेली आर्या मोरेश्वर भोसले हिने GSPI या प्रतिष्ठित कार्यक्रमामध्ये उल्लेखनीय यश संपादन करत निवड मिळवली आहे. हा कार्यक्रम NDA साठी तयारी करून, देणाऱ्या अत्यंत नामांकित उपक्रमांपैकी एक मानला जातो. या कार्यक्रमासाठी संपूर्ण राज्यातून केवळ ३० मुलींची निवड केली जाते, आणि त्यामध्ये आर्या हिचा समावेश होणे ही अत्यंत अभिमानाची बाब मानली जात आहे. तसेच, GSPI निवड प्रक्रियेत आर्या हिने महाराष्ट्रातून चौथा क्रमांक मिळवला आहे.आर्या हिने आपले शालेय शिक्षण सासवड येथील शिवाजी इंग्लिश मीडियम स्कूलमध्ये पूर्ण केले असून तिने CBSE दहावी परीक्षेत 96.2% गुण मिळवले आहेत. आपल्या मेहनत, चिकाटी आणि जिद्दीच्या जोरावर तिने हे यश मिळवले असून, तिच्या या यशाबद्दल कुटुंबीय, शिक्षक आणि मित्रपरिवाराकडून तिचे कौतुक होत आहे.आर्या ही ह.भ.प. शिवाजी महाराज भोसले यांची नात असून ,त्यांच्या संस्कारांचा प्रभाव तिच्या यशामध्ये दिसून येतो.भविष्यात ती NDA परीक्षेत यश मिळवून देशसेवा करेल, अशी अपेक्षा व्यक्त केली जात आहे.