पुणे जिल्हा शिक्षण मंडळाच्या शेठ गोविंद रघुनाथ साबळे कॉलेज ऑफ फार्मसी या ठिकाणी कॅम्पस प्लेसमेंट ड्राईव्ह उत्साहात सासवड प्रतिनिधी :बापू मुळीक मुख्य संपादक पुरंदर प्राईम न्यूज: सासवड येथील पुणे जिल्हा शिक्षण मंडळाच्या सेठ गोविंद रघुनाथ साबळे कॉलेज ऑफ फार्मसी येथे दि. १३ मे २०२६ रोजी कॅम्पस प्लेसमेंट ड्राइव्ह उत्साहात आयोजित करण्यात आला. या प्लेसमेंट ड्राइव्हमध्ये नामांकित औषधनिर्माण कंपनी Emcure Pharmaceuticals सहभागी झाली होती. कंपनीकडून “सेल्स – मेडिकल रिप्रेझेंटेटिव्ह” या पदासाठी बी.फार्मसी (२०२४, २०२५ व २०२६ उत्तीर्ण) विद्यार्थ्यांची निवड प्रक्रिया घेण्यात आली.कार्यक्रमास विद्यार्थ्यांचा उत्स्फूर्त प्रतिसाद लाभला. मुलाखत प्रक्रियेद्वारे विद्यार्थ्यांच्या संवादकौशल्य, व्यक्तिमत्त्व विकास व औषध विक्री क्षेत्रातील ज्ञानाचे मूल्यमापन करण्यात आले. विद्यार्थ्यांना करिअरच्या नव्या संधी उपलब्ध करून देण्यासाठी महाविद्यालय सातत्याने प्रयत्नशील असल्याचे प्राचार्य डॉ. आर. एस. चव्हाण यांनी सांगितले. तसेच विद्यार्थ्यांनी उद्योग क्षेत्रातील संधींचा लाभ घेऊन स्वतःचे कौशल्य विकसित करावे व व्यावसायिक क्षेत्रात यश संपादन करावे, असे आवाहन उपप्राचार्या डॉ. स्मिता पवार यांनी केले.या प्लेसमेंट ड्राइव्हचे समन्वयक म्हणून डॉ. जी. बी. निगडे व सौ. ए. ए. जावळकर यांनी कार्य पाहिले. कार्यक्रमाच्या यशस्वी आयोजनासाठी सर्व प्राध्यापक व कर्मचाऱ्यांनी सहकार्य केले.