एसजीआरएस कॉलेज ऑफ फार्मसीच्या मेगा प्लेसमेंट ड्राइव्हमध्ये १४ विद्यार्थ्यांची निवड सासवड प्रतिनिधी : बापू मुळीक मुख्य संपादक पुरंदर प्राईम न्यूज: पुणे जिल्हा शिक्षण मंडळाच्या शेठ गोविंद रघुनाथ साबळे कॉलेज ऑफ फार्मसी, सासवड येथे दिनांक १३ मे २०२६ रोजी “मेगा कॅम्पस प्लेसमेंट ड्राइव्ह” उत्साहात पार पडला. नामांकित औषधनिर्माण कंपनी Emcure Pharmaceuticals यांच्या वतीने “Sales – Medical Representative” पदासाठी ही भरती प्रक्रिया आयोजित करण्यात आली होती. या प्लेसमेंट ड्राइव्हमध्ये विविध फार्मसी महाविद्यालयांतील विद्यार्थ्यांनी सहभाग नोंदवला होता. मुलाखतीनंतर एकूण १४ विद्यार्थ्यांची निवड करण्यात आली. निवड झालेल्या विद्यार्थ्यांमध्ये अविष्कार सुधाकर जाधव, आयेशा समीर अत्तर, ऋषिकेश राजेंद्र भगत, दानिश शहाबुद्दीन अत्तर, धनश्री गाडेकर, कोमल दुयोधन बर्गल, मनोज भगवान पालवे, प्राजक्ता राजकुमार गुजरे, सानिका विवेक पवार, सोहम उत्तम काळे, अनस अ. अत्तर, अनुप प्रमोद भड, कार्तिक राजेंद्र जाधव आणि शिवम जगदाळे यांचा समावेश आहे. या यशाबद्दल महाविद्यालयाचे प्राचार्य डॉ. राजश्री चव्हाण यांनी विद्यार्थ्यांचे अभिनंदन करताना सांगितले की, “विद्यार्थ्यांनी केलेली मेहनत, सातत्य आणि संवाद कौशल्य यांच्या जोरावर हे यश संपादन केले आहे. अशा प्लेसमेंट ड्राइव्हमुळे विद्यार्थ्यांना करिअरच्या उत्तम संधी उपलब्ध होत आहेत.” उपप्राचार्या डॉ. स्मिता पवार म्हणाल्या, “मेगा प्लेसमेंट ड्राइव्हमुळे विद्यार्थ्यांना रोजगाराच्या उत्तम संधी मिळून त्यांच्या करिअरला नवी दिशा मिळाली आहे.” प्रवेशावेळी पालकांना दिलेला शब्द पाळण्याच्या दिशेने शेठ गोविंद रघुनाथ साबळे कॉलेज ऑफ फार्मसीने एक महत्त्वपूर्ण पाऊल उचलले आहे, असे ट्रेनिंग व प्लेसमेंट ऑफिसर डॉ. गणेश निगडे यांनी सांगितले. डॉ. गणेश निगडे व सौ. अंकिता जवळकर यांनी विद्यार्थ्यांना मार्गदर्शन केले. कार्यक्रमाच्या यशस्वी आयोजनासाठी शिक्षक व शिक्षकेतर कर्मचाऱ्यांनी विशेष परिश्रम घेतले. विद्यार्थ्यांच्या या यशाबद्दल संस्थेचे पदाधिकारी, पालक व शिक्षकांकडून अभिनंदनाचा वर्षाव होत आहे.