मोरगाव मयुरेश्वरनगरीत सुवर्णपुष्प संस्था महाराष्ट्र आयोजित १०१ बटुंचा दिव्य उपनयन संस्कार महायज्ञ दिमाखात संपन्न सासवड प्रतिनिधी:बापू मुळीक मुख्य संपादक पुरंदर प्राईम न्यूज: मोरगाव, जि. पुणे : सुवर्णपुष्प संस्था, महाराष्ट्र यांच्या वतीने एक दिवस समाजासाठी या संकल्पनेतून आयोजित करण्यात आलेला १०१ बटूंचा सामुदायिक व्रतबंध उपनयन सोहळा मोठ्या उत्साहात आणि दिमाखात संपन्न झाला. संस्कार, परंपरा आणि समाजभावना यांचा सुंदर संगम या सोहळ्यात अनुभवायला मिळाला.नुकताच मोरगाव येथे पार पडलेल्या या कार्यक्रमास सुमारे दहा हजारांहून अधिक नागरिकांची उपस्थिती लाभली. सकाळी ६ वाजता वेदघोषांच्या निनादात विधींना प्रारंभ झाला, तर सकाळी भव्य मिरवणुकीने वातावरण उत्साही झाले. दिवसभर विविध कार्यक्रमांनी सोहळा रंगतदार झाला.या कार्यक्रमात १०१ बटूंचा उपनयन संस्कार, सुवर्णजोडी गौरव समारंभ, वधू-वर पालक परिचय मेळावा आणि आरोग्य शिबिर अशा विविध उपक्रमांचे आयोजन करण्यात आले होते.गरजू कुटुंबांनाही या उपक्रमात सहभागी होता यावे, यासाठी नाममात्र शुल्क ठेवण्यात आले होते, तसेच काहींसाठी विनामूल्य सुविधाही देण्यात आल्या. त्यामुळे हा उपक्रम अधिक सर्वसमावेशक ठरला.गुरुवर्य अनुपसिंह दत्तात्रय दीक्षित वीरकर, नमो गुरुजी, पुणे, श्याम पंडित, साकतकर, विवेक दीक्षित, धायरी, न्युमेश वेदपाठक, पुणे, अवधूत पंडित, शेळगाव, सत्यवान महामुनी, पुणे, ज्ञानेश्वर दीक्षित, वीरकर, डॉ. स्वानंद पंडित आदी गुरुजनांच्या वेदपठण व मंत्रोच्चारांनी वातावरण भारावून गेले.या कार्यक्रमाच्या यशस्वितेसाठी सुवर्णपुष्प परिवारातील सर्व पदाधिकारी, कार्यकर्ते व स्वयंसेवकांनी मोठे योगदान दिले. विशेषतः सुवर्णपुष्प संस्था महाराष्ट्र चे संस्थापक शोभा महामुनी व यांच्या विशेष योगदानातून हा दैदीप्यमान सोहळा यशस्वी झाला! योगेश महामुनी सर यांनी प्रास्ताविक केले, तर प्रा. सुनील पंडित सर यांनी आभार मानले. स्नेहभोजन व्यवस्थेसाठी दत्तात्रय वेदपाठक पिंटू मामा, महेश दीक्षित आणि मधुसूदन दीक्षित सुवर्णपुष्प आम्ही मोरगावकर यांचे विशेष योगदान लाभले मोहिनी दीक्षित नूतन धर्माधिकारी, सुलभा वेदपाठक.,महिला राज्याध्यक्ष मनीषा पोद्दार., तेजश्री वेदपाठक, उज्वला वेदपाठक आशा हजारो कार्यकर्त्यांनी सोहळा यशस्वीतेसांठो परिश्रम घेतले! विविध क्षेत्रातील मान्यवरांमध्ये शशांक पालकर, संचालक, कराड अर्बन बँक, प्रमोद वेदपाठक, भारत वेदपाठक, ज्योती वेदपाठक, उप अभियंता, पुणे मनपा, किशोर पंडित, परशुराम पंडित आदींची उपस्थिती लाभली.यावेळी आयोजकांच्या वतीने सर्व सहकार्य करणाऱ्या दानशूर, दाते, मार्गदर्शक, गुरुजन, स्वयंसेवक आणि उपस्थित नागरिक यांचे मनापासून आभार व्यक्त करण्यात आले. आपले सहकार्य हीच या संस्कारयज्ञातील अमूल्य समिधा आहे, अशा शब्दांत सर्वांचे प्रती कृतज्ञता व्यक्त करण्यात आली. तसेच हजारो कार्यकर्ते स्वयंसेवक यांनी प्रत्यक्ष अप्रत्यक्ष सहयोग दिल्यामुळेच हा सोहळा यशस्वी झालेला आहे, *“हा भव्य दिव्य सोहळा म्हणजे महाराष्ट्रातील सोनार समाजासाठी ऐतिहासिक क्षण – एकजुटीची ताकद दाखवणारा भव्य विक्रम!”* *“सुवर्ण पुष्प परिवाराचे हजारो कार्यकर्त्यांनी एकत्र येऊन … संघटित होऊन … इतिहास घडवलेला आहे !” श्री संत नरहरी सेवा कार्य केलेले आहे.* अशी भावना संयोजक जगदीश महामुनी यांनी व्यक्त केली. वेद घोषांच्या पावन निनादात , संस्काराच्या सुवर्ण क्षणी 'सुवर्ण पुष्प संस्था ' आयोजित १०१ बटुंच्या 'उपनयन सोहळ्याचा ' हा दिव्य सोहळा आतषबाजीने उजळून निघाला .या मंगल कार्यासाठी अहोरात्र तन, मन, धन , आणि श्रम अर्पण केले त्यांचे 'आभार ' मानावे तेवढे थोडेच आहे....सुवर्णपुष्प परिवाराच्या सहकार्याच्या प्रत्येक उस्फुर्त उर्जेने या सोहळ्याला तेजोमय प्रभा लाभली.ज्यांच्या नियोजन कौशल्याने कार्याला दिशा मिळाली व ज्यांच्या परिश्रमाने आयोजनाला पुर्णत्व आले आणि ज्यांच्या सदभावनेने या उपक्रमाला 'आत्मा' प्राप्त झाला त्या सर्व सहृदय, सज्जन, कर्तृत्ववान, व्यक्तीच्या प्रती आम्ही कृतज्ञतेची फुले अर्पण करतो...*आपले सहकार्य म्हणजेच या संस्कार यज्ञातील अमुल्य 'समिधा' आहेत.ज्याच्यामुळे हा यज्ञ अधिक पवित्र अन् प्रभावी ठरला.सर्वांचे शतशः आभार अशाही उत्स्फूर्त भावना बटुंचे पालकांनी व्यक्त केल्या!कार्यक्रमादरम्यान सर्वांसाठी स्नेहभोजनाची उत्तम व्यवस्था करण्यात आली होती. मात्र, काही ठिकाणी अन्न वाया गेल्याची खंत व्यक्त करत अन्न हे पूर्ण ब्रह्म या संस्काराची जाणीव ठेवण्याचे आवाहन आयोजकांनी केले.हा सोहळा केवळ एक धार्मिक विधी न राहता, एकजूट, संस्कार आणि सामाजिक बांधिलकी यांचे प्रभावी उदाहरण ठरला. उपस्थितांनी या उपक्रमाचे कौतुक करत तो प्रेरणादायी असल्याची भावना व्यक्त केली.