अठरा पगड सोशल फाउंडेशन चॅरिटेबल ट्रस्टचे पुरस्कार जाहिर सासवड प्रतिनिधी: बापू मुळीक मुख्य संपादक पुरंदर प्राईम न्यूज: आचार्य अत्रे सांस्कृतिक सभागृह, सासवड (ता.पुरंदर) येथे रविवार दि.१७ मे रोजी अठरा पगड बारा बलुतेदार सोशल फाउंडेशन चॅरिटेबल ट्रस्ट महाराष्ट्र राज्य या सामाजिक संस्थेच्या वर्धापन दिनानिमित्त कार्यक्रमाचे आयोजन करण्यात आले होते. या कार्यक्रमाच्या निमित्ताने विविध क्षेत्रात उल्लेखनीय कार्य करणाऱ्या व्यक्तींचा गौरव करण्यात आला. ट्रस्टचे पुरस्कार पुढील प्रमाणे : यात महाराष्ट्र राज्य शिक्षक परिषद, पुणे जिल्हा कार्यवाह, शैक्षणिक कायद्याचे अभ्यासक, म. ए. सो. वाघीरे माध्यमिक व उच्च माध्यमिक विद्यालय, सासवड येथील विद्यार्थी प्रिय व उपक्रमशिल शिक्षक शिवहार लहाने यांना आदर्श शिक्षण सेवा रत्न : तसेच शिवरी येथे लोकसहभागातून चार कोटी रुपयांचे पत्रकार भवनाचे बांधकाम पूर्णत्वाच्या दिशेला नेले असल्यामुळे पुरंदर तालुका मराठी पत्रकार संघाला : आदर्श लोकशाही स्तंभ रत्न , तसेच आदर्श समाज रत्न : बाळासाहेब काळे, आदर्श ग्राम सेवा रत्न : सूर्यकांत जगताप, आदर्श शिक्षक रत्न : मनीषा जगताप, आदर्श उद्योग सेवा रत्न : भुजंग गायकवाड, आदर्श समाज रत्न : सदाशिव बारसुडे, आदर्श समाजसेवा रत्न : गणेश शिंदे यांना अखिल भारतीय चित्रपट महामंडळाचे अध्यक्ष मेघराज भोसले यांच्या हस्तेव प्रमुख उपस्थितीत हा सोहळा संपन्न झाला. वेळी झालेल्या कार्यक्रमाच्या अध्यक्षस्थानी राज्य प्रसिद्धीप्रमुख दत्ता नाना भोंगळे हे होते. यावेळी संस्थापक-अध्यक्ष अप्पासाहेब भांडवलकर, प्रदेशाध्यक्ष राहुल भोंडे, सल्लागार मंगेश गायकवाड,प्रसिद्धीप्रमुख शामराव जगताप,रयत महाराष्ट्र जनरल कामगार संघटना अध्यक्ष दादासाहेब गायकवाड, सोनू जाधव,साहील चौरे, कविता अमराळे आदी मान्यवर यावेळी उपस्थित होते. ट्रस्टचे सल्लागार मंगेश गायकवाड व स्नेहा शेवाळे यांनी सूत्रसंचालन केले, तर राहुल भोंडे यांनी आभार मानले.फोटो : सासवड ( ता. पुरंदर ) येथे आदर्श शिक्षण सेवा रत्न पुरस्कार शिवाहार लहाने यांना प्रधान करीत असताना कार्यक्रमाचे अध्यक्ष दत्ता नाना भोंगळे शेजारी बळीराम सोनवणे,अमोल लोंढे, दिलीप गुरव व इतर.